Қаражат жағынан қиналды ма, әлде басқа де себептері бар ма, ол жағы бізге беймәл, әйтеуір жуық арада «Реалдың» басшылары Гарет Бейл, Хамес Родригес, Лукас Васкес және Мариано Диас сынды футболшыларды трансферге қоюға бекінді. Кезінде дәл осы ойыншыларды олар қыруар қаржыға сатып алған.
Мәселен, корольдік клуб 2013 жылы Уэльс құрамасының шабуылшысы Гарет Бейлді «Тоттенхэмнен» алдыру үшін көп шығынданғаны есімізде. Нақтылап айтсақ, сол трансферге 100 миллион евро төледі. Бұл сол кездегі рекордтық көрсеткіш еді. Сол секілді колумбиялық Хамес Родригес, испандық Лукас Васкес және доминикандық Мариано Диас та арзанға түскен жоқ.
Сонымен қатар, Марсело, Лука Модрич, Начо және Браим Диастың да «Реалда» қалу я қалмауы әзірге белгісіз. Жақын күндері клуб басышлары бұл ойыншылардың барлығымен жеке-жеке сөйлеседі. Содан кейін олардың тағдыры белгілі болады. Және де «Реал» жалда жүрген 11 футболшыны қайтарып, оларды сатуды көздеуде.
