![Оқушының ата-анасы әкімшілік жауапкершілікке тартылады](/media/2020/03/30/200330153930818a3631197i.jpg)
Түркістан облыстық полиция департаменті баспасөз қызметінің ақпаратына қарағанда, 28 наурызда Кентау қалалық полиция бөліміне әлеуметтік желіде Қарнақ ауылында коронавирус жұқтыру туралы ақпарат тарағаны жөнінде хабарлама түскен.
Жедел-іздестіру шараларының барысында кентаулық полицейлер жасөспірімді ұстады. Ол осы ауылдағы мектептің 8-сынып оқушысы болып шықты. Жасөспірім қылмысын толық мойындап, істеген ісіне өкінетінін айтқан. Жасөспірім ата-анасының қадағалауына тапсырылып, олармен тиісті профилактикалық әңгіме жүргізілді.
«Қазіргі уақытта полиция қызметкерлері оқиғаның мән-жайын анықтап жатыр. Сотқа дейінгі тергеу амалдары жүргізілуде. Ендігі жерде жасөспірімнің ата-анасы әкімшілік жауапкершілікке тартылады» делінген хабарламада.