Аймақтар • 31 Наурыз, 2020

31 наурыз сағат 21:00-ден бастап Шымкентке кіретін барлық жолдар жабылады

235 реткөрсетілді

Шымкент қаласында бүгін сағат 21.00-ден бастап қосымша шектеу шаралары енгізіледі. Бұл туралы Шымкент қаласының әкімі Мұрат Әйтенов кезекті мәлімдемесінде айтты. 

- Құрметті Шымкент қаласының тұрғындары! Короновирустың тез таралуы тұрғындардың денсаулығына қатер төндіруде. Бүкіл әлемде вирус жұқтырғандар саны 700 мыңнан асты. Індеттен қаза тапқандар саны әлемде 34 мың адамға жақындады. Қазақстанда да 294 адам қауіпті дертті жұқтырды. Шымкент қаласында 2 адам тіркеліп, бір елді мекен карантинге жабылды. Республиканың өзге аймақтарына Шымкент арқылы өтетін транзитті жолаушылар көп.Олардың саны тәулігіне шамамен 200 мың адам. Бұл жағдай індеттің таралу қаупін арттырып отыр.Сол себепті Шымкент қаласында 31 наурыз күні сағат 21.00-ден бастап қосымша шектеу шаралары енгізіледі. Қалаға кіретін барлық жолдар жабылады. Автокөліктердің қалаға кіруі мен шығуына тыйым салынады. Тек транзитті жүк көліктері мен тіршілікті қамтамасыз ететін арнайы автокөліктерге рұқсат беріледі, - дейді қала әкімі Мұрат Әйтенов.

Соңғы жаңалықтар

Қыршын кеткен саңлақ

Спорт • Бүгін, 17:35

Ұқсас жаңалықтар