Кеше Премьер-Министр Серік Ахметовтің төрағалығымен өткен Үкімет отырысында алдағы 3 жылға арналған республикалық бюджет жобасы мен еліміздің әлеуметтік-экономикалық дамуының болжамы талқыланды.
Кеше Премьер-Министр Серік Ахметовтің төрағалығымен өткен Үкімет отырысында алдағы 3 жылға арналған республикалық бюджет жобасы мен еліміздің әлеуметтік-экономикалық дамуының болжамы талқыланды.
Алдағы 3 жылға арналған республикалық бюджет жобасы Мемлекет басшысы тарапынан қолдау тапқанын еске салған Үкімет басшысы С.Ахметов жиын басында Елбасының тапсырмасына сай бюджеттің игерілуін жауапкершілікпен бақылау қажеттігін атап өтті.
Бюджет жобасы бойынша Экономика және бюджеттік жоспарлау министрі Ерболат Досаев баяндады. Ол болжамды параметрлердің «Стратегия-2020» даму бағдарламасын және Мемлекет басшысының «Қазақстан-2050» Стратегиясында белгіленген міндеттерді орындауға бағытталғанын атап өтті.
Министр келтірген дәйектерге сүйенсек, 2014-2018 жылдардағы экономиканың нақты өсімі 6,0-7,1 пайыз деңгейіне жетеді деп болжануда. Орта мерзімді кезеңде экономика өсімі индустриялық-инновациялық және инфрақұрылымдық жобаларға салынатын инвестиция көлемінің артуы есебінен, Қашаған кен орнында мұнай игерудің басталуы мен халық тұтынысының өсуімен қамтамасыз етіледі. Аталған кезеңде ішкі сұраныс орташа 7,5 пайыз қарқынмен өсетін болады.
«Номиналдық ІЖӨ 2014 жылы 38,6 трлн.-нан 2018 жылы 65,9 трлн. теңгеге дейін өседі деп болжануда. ІЖӨ жан басына шаққанда 2014 жылы 14,6 мың АҚШ долларын құрайды, ал 2018 жылға қарай 24 мың АҚШ долларына дейін өседі, жылдық инфляция деңгейі 2014-2018 жылдары 6,0-8,0 пайыз шегінде болады, деді Е.Досаев.
Орта мерзімді кезеңдегі әлеуметтік-экономикалық басымдықтардың қатарында, министр, макроэкономикалық және қаржылық тұрақтылықты, экономиканың тиімділігі мен бәсекелестікке қабілеттілігін арттыруды, әлеуметтік жаңғыруды, өңірлік дамуды, тиімді мемлекеттік басқару жүйесін қалыптастыруды, халықаралық интеграция мен өзара іс-қимылды дамытуды атады.
Е.Досаев, сондай-ақ 2014-2016 жылдарға арналған республикалық бюджеттің макроэкономикалық болжамы негізінде жасалған бюджеттік блоктың бірқатар құжаттарын таныстырды. «2014-2016 жылдарға арналған республикалық бюджет туралы» заң жобасында ҮИИДБ, «Бизнестің жол картасы-2020», «Жұмыспен қамтудың жол картасы-2020», «Агробизнес-2020» бағдарламаларын одан әрі дамыту қарастырылған.
Әлеуметтік тұрақтылықты қамтамасыз ету мақсатында мемлекет қабылдаған барлық әлеуметтік міндеттемелер қаржылай қамтамасыз етіліп және денсаулық сақтау мен білім беру салаларын қаржыландырудың ашық нұсқасына көшу жалғаса береді.
Министр сонымен қатар, «Ұлттық қордың 2014-2016 жылдарға арналған кепілді трансферттері туралы», «2014-2016 жылдарға арналған республикалық және облыстық бюджеттер арасындағы, республикалық маңыздағы қалалар, мемлекет астанасы арасындағы жалпы трансферттердің көлемі туралы», «Қазақстан Республикасының кейбір заңнамалық актілеріне бюджеттік заңды жетілдіру мәселелері бойынша өзгерістер мен толықтырулар енгізу туралы», «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» бірқатар бюджеттік заң жобаларының жайы туралы хабарлады. Бюджеттік блок құжаттарының қатарында министр Президенттің «Ұлттық қордың 2014 жылға арналған мақсатты трансферті туралы» Жарлығының жобасын атады.
Е.Досаевтың айтуынша, бюджеттік қаржы толық игерілген жағдайда бюджеттік бағдарламалардың тиісті нәтижелерге қол жеткізе алмауына бюджеттік бағдарламалар әкімшілерінің бірінші басшысының жауапкершілігі мәселесін енгізу ұсынылған.
Сондай-ақ жергілікті бюджеттен ең төменгі көлемнен аз қаржы бөлінген жағдайда, заңмен белгіленген жалпы сипаттағы трансферттер, сондай-ақ жете қаржыландырмау сомасының жоғары тұрған бюджетке міндетті қайтарылмауы жағдайында әкімдердің жауапкершіліктері белгіленуде.
Министр атап өткендей, «мемлекеттік органдардың стратегиялық жоспарларының рөлін арттыру үшін Парламентте республикалық бюджет туралы заң жобасы қаралған кезде жобалардың бірінші басшысының стратегиялық жоспарларды қорғауы мәселесі қарастырылуда».
Талқылау нәтижесін