Бесінші шақырылымдағы Парламенттің үшінші сессиясының Сенаттағы алғашқы отырысы өтті. Сенат Төрағасы Қайрат Мәмидің жетекшілігімен өткен бұл отырыста палата Төрағасының орынбасары және депутаттарды тұрақты комитеттерге сайлау мәселесі шешімін тапты.
Жалпы отырысты ашқан Қ.Мәми Парламенттің биылғы сессиясының алдындағы басым міндеттерді Елбасы Н.Назарбаев бес бағыт бойынша нақты айқындап бергеніне ерекше тоқталды. Ел экономикасын одан әрі нығайту, инновациялық үдерістер мен «жасыл экономиканы» дамыту және құқық қорғау органдарындағы реформаны одан әрі жетілдіру күн тәртібінде тұр. Сондықтан осы заң жобаларын уақтылы және сапалы қарау – біздің осы сессиядағы басты міндеттеріміздің бірі. Сондай-ақ, Астанада ЭКСПО-2017 халықаралық мамандандырылған көрмесін ұйымдастыру үшін және сапалы түрде жоғары деңгейде өткізу үшін бірталай заң пакеттерін қабылдау керек, деді Төраға.
Бесінші шақырылымдағы Парламенттің үшінші сессиясының Сенаттағы алғашқы отырысы өтті. Сенат Төрағасы Қайрат Мәмидің жетекшілігімен өткен бұл отырыста палата Төрағасының орынбасары және депутаттарды тұрақты комитеттерге сайлау мәселесі шешімін тапты.
Жалпы отырысты ашқан Қ.Мәми Парламенттің биылғы сессиясының алдындағы басым міндеттерді Елбасы Н.Назарбаев бес бағыт бойынша нақты айқындап бергеніне ерекше тоқталды. Ел экономикасын одан әрі нығайту, инновациялық үдерістер мен «жасыл экономиканы» дамыту және құқық қорғау органдарындағы реформаны одан әрі жетілдіру күн тәртібінде тұр. Сондықтан осы заң жобаларын уақтылы және сапалы қарау – біздің осы сессиядағы басты міндеттеріміздің бірі. Сондай-ақ, Астанада ЭКСПО-2017 халықаралық мамандандырылған көрмесін ұйымдастыру үшін және сапалы түрде жоғары деңгейде өткізу үшін бірталай заң пакеттерін қабылдау керек, деді Төраға.
Бұдан басқа қылмыстық заңнаманы, құқық қорғау органдарын және сот жүйесінің жұмысын жетілдіруге, адам құқықтарын әділ қорғауға бағытталған бір топ кодекстердің, сондай-ақ соттардың рөлін арттыру және елдегі құқық тәртібі жүйесін нығайту жұмыстарын одан әрі күшейту қажет. Президент өз сөзінде аталған заңдар азаматтарымыздың өміріне тікелей ықпал ететін, олардың құқықтары мен бостандықтарын қамтамасыз ететін еліміз үшін өте маңызды заңдар екенін тағы да атап кетті, деді Қ.Мәми. Сондай-ақ, Төраға Елбасының сөзін келтіре отырып, үш жылдық бюджетті талқылау барысында мемлекеттік қаражаттың шығысына, олардың дер кезінде игерілуіне Сенат баса назар аударуы қажеттігін атап көрсетті.
Күн тәртібіне кіріспес бұрын палата өкілеттіктері аяқталған сенаторларды шығарып салу рәсімін өткізді. Сенаторлық өкілеттіктері аяқталған Әділ Ахметовке, Оралбай Әбдікәрімовке, Ғарифолла Есімге, Болат Жылқышиевке, Ғани Қасымовқа, Александр Судьинге және Юрий Цхайға Сенаттың заң шығару қызметінде депутаттық міндеттерін адал да жоғары деңгейде атқарғандары үшін ризашылығын жеткізген Төраға оларға Сенаттың құрмет грамотасын табыс етті. Өткен алты жылда Сенат депутаттары ретінде сіздер ел игілігі үшін білімдеріңіз бен тәжірибелеріңізді аяған жоқсыздар. Өздеріңізге жүктелген жұмысты адал атқардыңыздар. Сіздердің осындай еңбектеріңізді әріптестеріңіз, біздер ғана емес, қалың қазақстандық жұртшылық та жоғары бағалайды, деді Қ.Мәми.
Сондай-ақ, кешегі отырыста Сенат Төрағасының ұсынысы бойынша ашық дауыс беру арқылы Асқар Бейсенбаев палата Төрағасының орынбасары қызметіне бірауыздан сайланды. Сенатор Сергей Кулагин Табиғатты пайдалану және ауылдық аумақтарды дамыту комитетінің төрағасы болып сайланды. Мемлекет басшысының Жарлығымен тағайындалған депутаттар Сенаттың тұрақты комитеттері құрамына сайланды. Атап айтқанда, Бірғаным Әйтімова, Сергей Громов, Ләззат Қиынов және Георгий Ким Халықаралық қатынастар, қорғаныс және қауіпсіздік комитетінің құрамына енді. Конституциялық заңнама, сот жүйесі және құқық қорғау комитетіне Дулат Құсдәулетов сайланса, Серік Нөгербеков Қаржы және бюджет комитетіне, ал Нұрлан Оразалин Әлеуметтік-мәдени даму комитетіне сайланып, бекітілді.
Сенат Төрағасы сөз орайында өз өкімімен С