Аймақтар • 07 Сәуір, 2020

Жұмыс істеу үшін қажетті жабдықтар

9 рет көрсетілді

Өңірде коронавирус індетімен ауырғандар анықталған жағдайда облыс орталығындағы Онкологиялық диспансер мен орталық аудандық ауруханалар үшін қосымша 700 млн теңгеден астам қаражат бөлінді. Бұл облыстық мәслихаттың кезекті сессиясында өңірлік бюджетті нақтылау барысында қаралды.

Экономика және бюджетті жоспарлау басқармасының басшысы Мақсат Тұрлыбаевтың мәлімдеуінше, індеттің таралмауына орай өңірде жүргізіліп жатқан шаралар барысына сай өкпені жасанды тыныстандыратын 20 аппарат, аурухана төсектері жанына орнатылатын арнайы 10 монитор сатып алу жоспарлануда.

– Қазіргі бұл – коронавирус инфекциясы анықталған жағдайда жұмыс істеу үшін ең қажетті жабдықтар, – деді мәслихат сессиясына қатысқан облысы әкімі Әбілқайыр Сқақов. – Бүгінде өңірде өкпені жасанды тыныстандыратын 128 құрылғы бар, ал қосымша 56 аппарат қажет. Сондықтан тағы да 20 жасанды желдету аппаратын алуға қаржы бөлдік. Тағы 8 аппарат жалпы сипаттағы трансферттер есебінен сатып алынады.

Бұған дейін өңірдің барлық медициналық мекемелеріндегі құрылғы, құрал-жабдықтарға тексеріс жүргізілген. Ескірген және техникалық ақаулы жаб­дықтар толыққанды диагнос­тика мен емдеу үшін қажетті бас­қа да құралдардың жаңасына ауыстырылмақ болған-ды.

Ал қазір өңірде індеттің алдын алу және болдырмау бағы­тындағы шаралар жалғасуда. Мекемелер санитарлық талаптарды күшейтуде. Қызметкерлер жұмыс кезінде бір реттік ме­дициналық бетперде қолдануда.

Осы күндері облыста 634 адам медицина қызметкерлерінің бақылауына алынған. Осы адамдар арасындағы 77 адам стацио­нарда дәрігерлер қарауына, 557 адам үй карантинінде. Ін­деттің алдын алу және болдыр­мау бағытындағы шаралар жал­ға­суда. Сонымен қатар 38 адам дәрігерлердің қоңырау шалулары арқылы бақылануда. Ко­ронавирус инфекциясы жағ­дайы­на арналған 845 төсектік орын дайын. Өңірде әзірге корона­вирусты жұқтырған 1 адам тір­кел­ген. Бұл адаммен бай­ланыс­та болғандардың барлығы меди­ци­налық тексерулерден өткізілді.

 

Павлодар облысы

 

Соңғы жаңалықтар

«Барыс» тағы жеңілді

Хоккей • Бүгін, 08:29

Кукушкин – келесі кезеңде

Теннис • Бүгін, 08:16

Бизнестің сәтті бастауы

Бизнес • Бүгін, 08:09

Асыл ағаны ардақтайық

Руханият • Бүгін, 07:49

Ақжайықтың Абайы

Руханият • Бүгін, 07:40

Карантин талабы күшейе ме?

Аймақтар • Бүгін, 07:36

Интернетпен қаншалықты қамтыламыз?

Технология • Бүгін, 07:32

Әлемді ойын арқылы басқару

Қоғам • Бүгін, 07:29

Аргентинаның алтын баласы

Спорт • Бүгін, 07:15

Коронавирусты таратпаудың қамы

Аймақтар • Бүгін, 07:07

Ұқсас жаңалықтар