Аймақтар • 09 Сәуір, 2020

Кеншілер өңірінде геохимиялық зертхана іске қосылды

17 рет көрсетілді

«Ұлт жоспары – 100 нақты қадам» жоспарының 75-қадамын орындау мен «Қазгеология» АҚ-ның 2016-2025 жылдарға арналған Даму стратегиясын іске асыру шеңберінде Қарағанды да геохимиялық зертхана жұмысын бастады. Бұл туралы Экология, геология жəне табиғи ресурстар министрлігі хабарлады.

Жоба әлемдегі геохимиялық зертханалық жұмыстар бойынша қызмет көрсететін, оның ішінде техникалық қызмет көрсету саласындағы жетекші компаниялардың бірі - АLS компаниясымен бірлесіп іске асырылуда.
«Қазгеология» АҚ-тың геохимиялық зертхана құрудағы негізгі міндеттерінің бірі – ықтимал инвесторлардың геологиялық сынамалардың цифрлы әрі сапалық сипаттамалары туралы халықаралық деңгейде танылатын деректерді жедел алуына мүмкіндік жасайтын Қазақстанның минералдық базасын жасау. Бұдан бұрын шетелдік зертханаларға сынамалар жіберіліп, бұл көп уақыт пен қаржы реурстарының шығындарына әкеліп соқты. Ал, енді құрылған зертхана әлемдік стандарттарға сай барлық қажетті сынамаларды Қазақстанда жүргізуге мүмкіндік береді.

Зертхана озық технологияларды пайдаланып, нәтижелерін халықаралық қаржы институттары танитын, халықаралық стандарттарға сай әрі әлем таныған 20-дан астам зерттеу әдісі пайдаланылатын геохимиялық зерттеулерді сапалы жүргізуге жол ашады.
Зертхананың жалпы алаңы 2 мың шаршы метрден асады. Қызметкерлер құрамы ұдайы оқудан өтетін, біліктілігі жоғары 40 маманнан, сондай-ақ әлемдегі үздік өндірушілердің озық жабдықтарынан тұрады. Зертхана жабдықтарының кешені биылғы өнімділіктің тәулігіне 1200 сынама құрайтын 30 элементтен астамын анықтауға қауқарлы.

Соңғы жаңалықтар

Лоукостер құны қалтаны қақпайды

Аймақтар • Бүгін, 08:20

Ұқсас жаңалықтар