Облыс орталығындағы «Сапаржай-Автовокзал» ЖШС-ның мәліметінше, қазір облыстың аудан орталықтары, Ақсу, Екібастұзбен автобус байланысы бар.
Бірақ, жолаушылар саны бірнеше есеге төмендеген.
Бүгінде автовокзалда 3 диспетчер, 4 кассир, күзетшілер ғана қалған
Павлодардан Ресейдің көршілес өңірлеріне, Нұр-Сұлтан, Қарағанды, Өскемен қалаларына баратын автобустар бағыты тоқталды.
Бұған дейін Екібастұз қаласына күніне 19 автобус жолға шықса, қазір 6 автобус жүруде.
Сондай-ақ, Ақсу қаласына да күніне 45 шағын автобус жүретін болатын болса,қазір қалғаны 11 автобус.
Ал, автовокзал қызметкерлері ақысыз демалысқа жіберілген. Оларға наурыз айының еңбекақысы төленді.
Оларға мемлекет тарапынан берілетін әлеуметтік көмек – 42500 теңгені алу үшін жұмыспен қамту орталығына тиісті құжаттары жолданған.
