Көкше жерінде Кеңес Одағының Батыры Мәлік Ғабдуллиннің 2015 жылыаталыпөтетін 100 жылдық мерейтойына дайындық жұмыстары қызу қолға алынуда. Бұл орайда атпал азаматтың туған елі Зеренді ауданында айтулы шаралардың алдымен алға тартылуы ғанибет әрі заңды бастама деп білеміз. Мұның өзі бүгінгі ұрпақтың мойнындағы абыройлы парыз, жауапты қадам екендігі де анық. Осы ретте аудан әкімі Ермек Маржықпаевтың жақсы іске ұйтқы болғанын атап өткен жөн.
Көкше жерінде Кеңес Одағының Батыры Мәлік Ғабдуллиннің 2015 жылыаталыпөтетін 100 жылдықмерейтойынадайындықжұмыстарықызуқолғаалынуда. Бұл орайда атпал азаматтың туған елі Зеренді ауданында айтулы шаралардың алдымен алға тартылуы ғанибет әрі заңды бастама деп білеміз. Мұның өзі бүгінгі ұрпақтың мойнындағы абыройлы парыз, жауапты қадам екендігі де анық. Осы ретте аудан әкімі Ермек Маржықпаевтың жақсы іске ұйтқы болғанын атап өткен жөн.
Ата Заңымыздың айшықты мерекесімен тұспа-тұс келген салтанатқа облыстың зиялы қауым өкілдері, Зеренді ауылдарының жұртшылығы көптеп жиналды. Әр жанарда биік тұғырдағы ақ жамылғы тезірек түсірілсе, ел сүйіктісімен тезірек қауышсақ деген жарқыл бар. Айналаны рух асқақтатар әуендер жаңғыртып тұр. Міне, күткен сәт те келіп жетті. Ақмола облысы әкімінің бірінші орынбасары Рашит Әкімов, Зеренді ауданының әкімі Ермек Маржықпаев және батырдың қызы Майдан Мәлікқызы ескерткішті ашып, дәстүрлі лентаны қиды.
Зерендінің қақ төрінде орнатылған ескерткіштегі Мәлік Ғабдуллин бейнесі батырларға тән қайсарлықтың, ғалымдарға тән даналықтың жанды тұлғасындай көз тартады. Көкшетаулық қылқалам шебері әрі мүсінші, Қазақстан Суретшілер одағының мүшесі Юрий Попов тұлға мүсінін сомдауда өзіндік шығармашылық ізденісімен тәнті етеді. Тұғыртастағы үш метрлік ескерткіште ғасырлар тоғысындағы қайраткердің жиынтық бейнесі көрініс тапқандай. Оқалы ұлттық шапан жамылған тұлғаның омырауында Кеңес Одағы Батырының Алтын Жұлдызы жарқырайды. Оң қолын кеудесіне басқан Мәлік өзі армандаған Қазақстан тәуелсіздігінің шарапаттарына, елді еңселенткен ұрпаққа риясыз ризашылығын білдіріп тұрғандай әсерге бөлейді. Осынау орайлы сезім Майдан апа Мәлікқызының жерлестеріне арнаған ықыласты сөздерінен де төгіліп тұрды.
– Бүгін батыр ұрпақтары үшін ғана емес, барша көкшеліктер үшін ұмытылмас әрі қуанышты күн, – деді Алматыдан келген асылдың сынығы. – Менің әкем Мәлік елінің ұлы болып еді. Өз туған жеріне жан-тәнімен қызмет етті. Халқы оны ұмытпай, құрмет тұтуда. Көкшетау қаласында Мәлік Ғабдуллин атындағы көше, мектеп, мұражай бар. Еліміздің өзге өңірлерінде де осындай құрмет нышандары баршылық. Бүгінгі оқиғаның ерекшелігі – Мәлік ескерткішінің тұңғыш рет ашылып отырғандығында. Мен осы үшін облыс басшылығына, Зеренді ауданының әкімі Ермек Боранбайұлына, жерлестеріме шексіз алғысымды білдіремін.
Жиналғандар алдында Ақмола облысы әкімінің бірінші орынбасары Рашит Әкімов, Парламент депутаттары Жабал Ерғалиев пен Майра Айсина, «Нұр Отан» ХДП облыстық филиалы төрағасының бірінші орынбасары Мұратбек Оспанов, облыстық мәслихат хатшысы Нина Дьячек, еңбек ардагерлері Мейрамбек Қиықов, Еңбек Қабданов, Есімбек Әкімов жүрекжарды сөздерін арнады.
Бақберген АМАЛБЕК,
«Егемен Қазақстан».
Ақмола облысы,
Зеренді ауданы.
–––––––––––
Суреттерде: Зеренді төріндегі батыр ескерткіші; аудан әкімі Ермек Маржықпаев пен М.Ғабдуллиннің қызы Майдан Мәлікқызының құттықтау сәті.
