Қазақстан Республикасы Президентінің жанындағы Адам құқықтары жөніндегі комиссияның мүшелері Комиссия төрағасы Қуаныш Сұлтановтың басшылығымен республикалық «Нейрохирургия» ғылыми орталығында болды.
Қазақстан Республикасы Президентінің жанындағы Адам құқықтары жөніндегі комиссияның мүшелері Комиссия төрағасы Қуаныш Сұлтановтың басшылығымен республикалық «Нейрохирургия» ғылыми орталығында болды.
Астаналықтар мен Қазақстанның басқа да өңірлерінің тұрғындары стационарлық ем қабылдайтын емдеу әрі ғылыми-зерттеу мекемесіне барудың мақсаты сырқат пациенттердің орталықтағы жағдайларымен, олардың Қазақстан Республикасының Конституциясы мен «Халықтың денсаулығы және денсаулық сақтау жүйесі туралы» Кодексінде, Қазақстанның адам құқықтарын қорғау саласындағы халықаралық міндеттемелерінде кепілдік берілген құқықтарының сақталуымен танысу болатын.
Мемлекет басшысы жанындағы Адам құқықтары жөніндегі комиссия мүшелері дәрігерлермен және пациенттермен әңгімелесу барысында азаматтардың денсаулығын қорғауға және білікті медициналық көмек алуға конституциялық құқықтарын қамтамасыз ету, дәрігерлер мен басқа да медициналық қызметкерлердің әлеуметтік-құқықтық қорғалуы, олардың Еуропалық Одақ елдерінде және әлемнің басқа да дамыған елдерінде біліктіліктерін көтеру мәселелеріне ерекше көңіл бөлді.
Емдеу мекемесінде болған кезде жиналған материалдар Комиссияның Мемлекет басшысының қарауына ұсынатын «Қазақстан Республикасындағы адам құқықтарының ахуалы туралы» жыл сайынғы баяндамасының «Азаматтардың денсаулығын қорғауға және білікті медициналық көмек алуға конституциялық құқықтары» бөліміне енгізілетін болады.
Бұл іс-шара Қазақстан Республикасы Президентінің жанындағы Адам құқықтары жөніндегі комиссияның 2013 жылға арналған жұмыс жоспарына сәйкес ұйымдастырылды.
«Егемен-ақпарат».
