Өкінішке орай, індетке қарсы талдаулар алынған кезде, оң нәтиже берген болатын. 15 сәуірде дәрігерлер талдау көрсеткіштері бойынша оған кесар операциясын жасап, босандырды. Нәтижесінде салмағы 3,5 килодан асатын балпанақтай бала дүниеге келді. Бұл пациенттің екінші баласы.
«Жаңа туған нәрестеден де бірден алынған талдаулар теріс нәтиже көрсетті. Жаңа туған нәрестенің дені сау. Қазір ол балалар бөлімшесінде жатыр», – деді Алматы қаласы Қоғамдық денсаулық басқармасының басшысы Тілеухан Әбілдаев.
Қазір анасының жағдайы жақсы, ол жақын арада емдеуді жалғастыру үшін инфекциялық стационарға ауыстырылады.
Пациент Covid-19-дан сауығып, жазылған кезде ұлымен бірге болады.
№1 Қалалық клиникалық аурухана провизорлық орталық болып табылатынын атап өткен жөн. Онда КВИ диагнозы бар жүкті әйелдердің босануы тікелей қабылдануда.
АЛМАТЫ
