Кеше аудандағы Шелек ауылынан бес науқас бірден анықталды. Қауіп деңгейінің жоғары болуы мен сақтық шарасын күшейту мақсатында Еңбекшіқазақ ауданының бас санитар дәрігерінің қаулысымен ауыл аумағы толықтай карантинге жабылды.
Сондай-ақ аудан орталығы Есік қаласы да бүгіннен бастап оқшауланды. Қазір Есіктегі жұқпалы аурулар ауруханасында коронавирустан ем қабылдап жатқан науқас саны көбейгендіктен және қаладағы індет тарау қаупі күшейгендіктен ауданның бас санитар дәрігері осындай шешім қабылдап отыр.
