Балалардың робот бесігі

ерген өнертапқыш жеткін­шектер сәбидің дауысы шық­қан сәтте оның бірден қоз­ғалуын басшылыққа алған. Бесікке орнатылған дикто­фон­ға анасы өз дауысымен бесік жырын жаза алады. Бе­сік дыбыссыз тербеледі. Бас­қар­ғышпен қашықтан тербе­туге әрі температурасын экран ар­­қылы қадағалауға бола­тын бе­сіктегі кез келген қолай­сыз­дықта ескерту дыбысы бері­леді.

Лицей директорының оқу ісі жөніндегі орынбасары Күл­жан Шажабаева роботты техника үйірмесіне қатысатын оқушылар жыл сайын модельдеу түрлерінен аудандық, қалалық, халықаралық, рес­­пуб­ликалық жарыс­тар мен олимпиадаларда бақ­та­рын сынап, жүлделі орын­дарға ие болып жүргенін жет­кізді. Роботты техника зерт­ханасының мін­деті оқу­­шылардың жаңа­шыл техникалық білім алуға деген құш­тарлығын дамыту болса, оларды заманауи кәсіпке бау­луда роботты техника үйір­месінің оқытушылары Дастан Рахатов, Бегалы Ах­метовтың еңбектері зор. Бір роботты құ­растыру мен бағдарлама жа­зып шығуға кететін уақыт мөлшері оның күрделілігі бо­йынша анықталады. Мұнда мақсатқа жету маңызды. Жа­ңадан келушілерді жетек­ші­лері ғана емес, сондай-ақ жоғары сынып оқушылары да баулиды. Бітіруші сынып оқушылары ізбасарларына алдымен робот құрастыруды, бағдарламалауды үйретеді.

Лицей оқушылары алдағы уақытта роботты техника үйір­­­­­месінде радио жүйесі ар­қылы басқарылатын, адам­дардың дене қызуын өлшей­тін және залалсыздандыруда қолданатын робот ойлап шығаруды жоспарлап отыр. Қазіргі кезде мектептегі үйірме жұмыстарына қа­ты­сатын 5-10-сыныптың бел­сенді оқушылары бағдар­лама­ларды қа­шықтан жүйелеу жұмыс­тарын жетілдіру үс­тінде.

АЛМАТЫ