Алматыда өтіп жатқан ІІІ Еуразия ойындарында Қазақстан құрамасы көш бастап келеді. Қыркүйектің 15-інде сөреден шыққан бұл байрақты бәсекеге біздің елімізден басқа, Қырғызстан, Тәжікстан, Ресей және Беларусь секілді 5 мемлекеттің 1996-2000 жылдары туған жас спортшылары қатысуда.
Алматыда өтіп жатқан ІІІ Еуразия ойындарында Қазақстан құрамасы көш бастап келеді. Қыркүйектің 15-інде сөреден шыққан бұл байрақты бәсекеге біздің елімізден басқа, Қырғызстан, Тәжікстан, Ресей және Беларусь секілді 5 мемлекеттің 1996-2000 жылдары туған жас спортшылары қатысуда.
Күні кешеге дейін аяқталған сайыстардың қорытындысы бойынша жерлестеріміз 14 алтын, 11 күміс, 4 қола медаль жеңіп алды. Екінші орындағы ресейліктерде 14 алтын, 9 күміс, 6 қола жүлде бар. Ал Беларусь құрамасы 1 алтын, 2 күміс, 4 қола медальмен үшінші болып тұр.
Қазақстандықтар командалық сында велоспорттың тас жолдағы жарысы мен спорттық гимнастикада бірінші болды. Жекелей сында көпсайысшы Әкім Мұсаев, ауыр атлет Альберт Линдер (69 кг), грек-рим палуаны Әлихан Әшмахан (35 кг), Ернұр Фидахметов (50 кг), Райымбек Құрманәлі (58 кг), таэквондошы Артур Ким (48 кг), Аяулым Сұлтанбаева (52 кг), Сұлтан Қалибекұлы (73 кг), Еркебұлан Әбілқас (78 кг), дзюдошы Әдия Сайын (40 кг), Ескендір Жүсбеков (55 кг), Бауыржан Жауынтаев (60 кг) алдарына жан салмады.
Ойындар ертең аяқталады.
Руслан ИГІЛІК.
