«Алматыда өлім-жітім көрсеткіші 0,6% құрайды. Ауруханаға жатқызылғандардың арасында ауыр халдегі науқастар саны соңғы уақытта көбейген жоқ. Алматыда коронавирустық инфекциядан 210 адам сауығып, емделіп шықты. Олардың ішінде 23 медицина қызметкері бар», - деді Алматы қалалық қоғамдық денсаулық сақтау басқармасының басшысы Тілеухан Әбілдаев.
Президенттің тапсырмасы бойынша медицина қызметкерлерінің қауіпсіздігін қамтамасыз ету шаралары күшейтіліп, жұқпалы стационарлар саны 9 жеткен. Ол жерлерде 1940 адамды қабылдауға арналған төсек-орын дайын тұр. Ал провизорлық емдеуге жатқызу үшін 909 төсек-орынға арналған 12 стационар, карантиндік емдеуге жатқызу үшін 1392 төсекті қамтыған тағы 9 стационар дайындалған.
«Медициналық бақылауда 12 665 алматылық бар. Оның ішінде 312-і провизорлық стационарда, 345-і карантиндік госпитальдарда, 2 008-і үй карантинінде. Мегаполисте COVID-19 дер кезінде анықталуының дәлелі науқастардың 77 пайызының денсаулығы қанаттанарлық және олардың ауруы жеңіл симптомсыз өтуде», - деді Басқарма басшысы.
АЛМАТЫ
