Қоғам • 06 Мамыр, 2020

Хабарсыз кеткендердің дерегін іздейді

122 реткөрсетілді

«Atamnyn Amanaty» қоғам­­дық бірлестігі Екінші дүние­жүзілік соғыс кезінде Германия жерінде тұтқында қаза тауып,­ хабар-ошарсыз кеткен деп са­нал­ған қазақстандық әскери тұт­қындардың тізімін жасап, олар­дың көзі тірі туыстарын іздес­тіру шарасын әрі қарай жал­ғастырады.

«Екінші дүниежүзілік со­ғыс кезінде Қазақстаннан шақы­рыл­ған 271 мыңнан астам солдат пен офицер хабар-ошарсыз кеткен­дер санатында. Көпшілігінің тағ­дыры күні бүгінге шейін белгісіз, олардың не күйге ұшырағанынан туған-туыстары да сол күйі бей­­хабар», дейді «Atamnyn Amanaty» қоғамдық бірлестігінің Тө­ра­ғасы Мұрат Молдағалиев.

Сондай-ақ  М.Молдағалиев кез келген адам кез келген уақыт­­та www.stsg.de сайтындағы ке­­ңес­тік әскери тұтқындар базасынан хабар-ошарсыз кеткен солдаттар мен офицерлер туралы ақпарат ала алатынын атап өтті. Сайтты құрған – Германиядағы Дрезден құжаттама орталығы. Мұндай сайттың бар екен­дігін қазақстандықтардың бірі біл­се, бірі білмейді немесе іздеу­шілер қажет ақпаратты іздеу дағдысын меңгермеген болуы мүмкін», деп нақтылады бірлестік төрағасы.

Оның айтуынша, бұдан бұры­нырақ аталмыш ұйым тарапынан облыстардағы Қорғаныс істері жөніндегі департаменттерге 500 әскери тұтқын тізімдері жібе­рілген. «Бірақ жұмыс нәтижесі мар­дымсыз болды», небәрі үш сол­даттың туыстарын табудың сәті түсті.

– Егер сон­дай туыстар табылып жатса, туыстары табылған солдатқа қатысты қосымша ақ­парат жинау мақсатында сол адамдарға бірлестігіміздің байланыс дерек­терін беруді сұраймыз».

 

 

Соңғы жаңалықтар

Қайырымдылық – асыл қасиет

Аймақтар • Бүгін, 14:59

Алматыда тағы 37 адам Covid-19 жұқтырған

Коронавирус • Бүгін, 10:20

Алаштың ардақтысы ұлықталды

Руханият • Бүгін, 10:02

Тапа-талтүстегі төтенше жағдай

Аймақтар • Бүгін, 08:55

Ертістің суы егістікке пайдалы

Аймақтар • Бүгін, 08:40

Ғасыр зұлматы

Қоғам • Бүгін, 06:55

Ұқсас жаңалықтар