Аймақтар • 09 Мамыр, 2020

Жамбыл облысында Ұлы Жеңіс мерекесі аталып өтті

115 реткөрсетілді

Ұлы Жеңістің 75 жылдығы Жамбыл облысында өзіндік сән-салтанатымен бастау алды. Өңірде ардагерлерге лайықты құрмет көрсетілуде. Ұлы Отан соғысының ардагерлері мен оған теңестірілген азаматтарға да қаржылай қолдау көрсетілді. Сонымен қатар, Жамбыл облысының әкімі Бердібек Сапарбаев Тараз қаласындағы бірқатар ардагерлердің шаңырағына барып, Мемлекет басшысы Қасым-Жомарт Тоқаевтың Ұлы Жеңіс күнімен құттықтауын табыстаған болатын. Бұл бастама Тараз қаласының және аудан әкімдерінің де қатысуымен облыс бойынша жүзеге асты.

9 мамыр – Ұлы Жеңістің 75 жылдығына орай Жамбыл облысында айрықша акция бастау алды. «Ұлы Жеңіске – 75 жыл» мерекелік акциясы аясында Әулиеата өңірінің өнер шеберлері жылжымалы экипажбен Тараз қаласын аралап, тұрғындарға мерекелік көңіл-күй сыйлады. Жылжымалы экипаж бағдарламасы әуелі Тараз қаласындағы Б.Момышұлы атындағы «Жеңіс» саябағынан басталды. Сонымен қатар, К.Әзірбаев атындағы Жамбыл облыстық филармониясының өнерпаздары радио құрылғысы арқылы тұрғындарға мерекелік құттықтау жолдап, әскери және патриоттық әндерден радиокомпозияциялар орындады. Ал, А.Тоқпанов атындағы облыстық қазақ және орыс драма театрларының актерлары қазақтың біртуар перзенттері Б.Момышұлының, Ә.Молдағұлованың, Р.Қошқарбаевтың бейнелерін сомдап, А.Константинованың «Фронтовая любовь» диалогын орындады. Сұрапыл соғыстағы батырлардың қайталанбас ерлігін кейінгі ұрпаққа насихаттауға бағытталған акцияны қала тұрғындары ерекше ықыласпен қабылдады. Тараздықтар экипаж мүшелерінің өнерін үйлерінің балкондарынан тамашалап, ризашылықтарын білдірді.

«Жеңіс» саябағынан соң экипаж бағыты орталық «Достық» алаңы арқылы Абай, Әйтеке би, Ташкент, Көшеней сияқты негізгі көшелерге ауысты. Одан соң экипаж қала мөлтекаудандарын және Тәуке хан, Төле би көшелерін жүріп өтіп, «Жеңіс» саябағына қайта оралды. Сондай-ақ, қала тұрғындары аталған акцияны «Жамбыл облыстық мәдениет басқармасы» фейбук парақшасындағы тікелей эфирден де тамашалады.

 

Жамбыл облысы

Соңғы жаңалықтар

Covid-19: Тағы 1 адам қайтыс болды

Коронавирус • Кеше

Covid-19: Тағы 184 адам жазылды

Коронавирус • Кеше

...Түкті кілем, көк кілем

Аймақтар • Кеше

Ғасыр зұлматы

Қоғам • Кеше

Құрдым (төрттаған)

Әдебиет • Кеше

Ұқсас жаңалықтар