«Астана – адалдық алаңы» жобасы іске қосылғаннан бері елорда тұрғындарына қызмет көр­сету сапасы айтарлықтай жақ­сарды. Жоба мемлекеттік меке­мелердің жұмысындағы әкім­ші­лік кедергілердің жойылуына мүмкіндік берді. Елімізде алғаш рет «Астана – адалдық алаңы» жобасы аясында енгізілген фро­нт-кеңселер елорданың аудан әкімдіктерінде мемлекеттік қыз­мет­ті алу процестерін жеңілдетті.

Жоба аясында ашылған IQALA қалалық қызмет көрсету орталығы – 129 түрлі мем­ле­кет­тік қызмет көрсететін қала тұрғындары мен билік ара­сын­да­ғы қарым қаты­нас­тың жаңа фор­матына айналды.

IQALA орталығы карантин кезінде жедел жұмыстар атқарып, Нұр-Сұлтан қаласына жүк тасымалдайтын жүргізушілер үшін «Жасыл дәліз» электрондық қыз­метін әзірледі. Осылайша
post.iqala.kz сайтына өтініш беру арқылы блок бекеттерден кедер­гі­сіз өтуіне мүмкіндік берді және ол өтініштер дереу «Сергек: блок-бекет» қосымшасына келіп түсті.

Жүк көлігінің жүргізушісіне бар болғаны: сайтқа кіру, қалаға кіру/шығу туралы деректерді, көліктің нөмірін, ЖСН, тасымал­да­натын жүктердің атауын, олар­дың санын, сондай-ақ жүру бағы­тын көрсете отырып өтінімді толтыру қажет. Өтінішті беру ЭЦҚ және өзге де қосымша құжаттарды талап етпейді.

Бұл жаңашылдық пандемия кезінде адамдар арасындағы байла­ныстың алдын алып, тексе­ріс­ке кететін уақытты үнемдеуге мүмкіндік берді.

2018 жылы жоба шеңберінде мемлекеттік органдар мен әкім­дік­тің ведомстволық бағынысты ұйымдарында артық алаңдар мен функцияларды оңтайландыру жұ­мыс­тары жүргізілді. Нәти­же­сінде, 450 млн теңге бюджет қаражатын үнемдеуге мүмкіндік берді.

 «Астана – адалдық алаңы» жобасы аясында елімізде алғаш­қы болып «Бюджетке қатысу» жоба­сын іске қостық. Бюджетке қатысу жобасының ерекшелігі – азаматтар өз ұсыныстары арқылы қаланы көркейтуге және дамытуға белсене атсалысады. Яғни әрбір бас­та­маға, жөндеу жұмыстарына қала тұрғындарының да жауап­кер­шілігі арта түсті. Өткен жылы «Сарыарқа» ауданы әкімдігінде ауланы абаттандыру бойынша 100 млн теңгені құрайтын 14 жоба жүзеге асырылса, биылғы жылы 583 млн теңге бөлінді.

«Адалдық алаңы» жобасының басты міндеттерінің бірі – мем­ле­кеттік мекемелер қызметінің ашық­тығын қамтамасыз ету болып табылады. Өткен жылдан бастап жоба кеңсесі Facebook және Instagram әлеуметтік желі­лері арқылы елордалық мемле­кет­тік органдар басшыларымен тікелей байланыс өткізді. Бұл әдіс төтенше жағдай кезінде тиім­­ділігін көрсетті. Мемлекет бас­шысының карантин кезеңінде сыбай­лас жемқорлықтың алдын алу бойынша шараларды күшейту туралы тапсырмасы бойынша Antikor ortalygy алаңында «Астана – Адалдық алаңы» жобасының жетекшісі, қала әкімінің кеңесшісі Мирас Шекенов республикада алғаш­қы­лардың бірі болып денсаулық сақтау, әлеуметтік қорғау, білім беру, полиция және автомобиль жолдары сала­ла­ры­ның басшыларымен онлайн байланыс өткізді. Айта кету керек, білім басқармасының басшыларымен қашықтан оқытуды енгізу, оқушыларды ҰБТ-ға дайындау, азаматтарды әлеуметтік қолдау шаралары, карантин кезеңінде тұрмыстық қақтығыстарды шешу бойынша полиция департаменті басшыларымен өткізілген тікелей эфирде желі қолданушылары оң бағасын берді. Адалдық ала­ңы жобасы аясында жоба жетек­ші­сі 23 онлайн байланыс өткізді. Сонымен қатар жоба менед­жер­лері «Adal komek» акциясына тұрақ­ты түрде қатысып келеді.

Ағымдағы жылдан бастап білім беру мекемелеріне мони­то­ринг жұмыстары күшей­тіл­ді. Нәтижесінде, бірқатар мек­теп­тің қаржы-шаруа­шы­лық қызметін жүргізуде жүйелі кем­шіліктер анықталды. Оған оқу орнының шатыры 3 жылдан бері жөндеуден өтіп келе жатқаны немесе күрделі жөндеу жұмыстарын жүргізуге арнал­ған қаражатты тиісті емес жұмысқа жұмсау се­кілді кемшіліктер айқын мысал бола алады. Қазіргі уақытта оқу орындарының қаржы-шаруа­шы­лық қызметіне қатысты барлық мәселелер оң шешілді, кінәлі лауазымды тұлғалар жұмыстан босатуға дейін жазаланды.

Елорда білім беру меке­ме­ле­рінде, сондай-ақ мем­лекет­тік ор­гандарда адал­дық дүкендерін ашу жөнін­дегі агенттіктің бас­тамасын алғашқылардың бірі болып қолдады. Бүгінгі күні қа­ла­ның барлық мектептері мен колледждерінде кітапханалар мен адалдық дүкендері ашылды, «Адал ұрпақ» клубтары мен «Саналы ұрпақ» жобасы белсенді жұмыс істеуде. Парасаттылық сағаттары білім беру мекемелерінің тәрбие жос­парына енгізілді. Сондай-ақ қашықтан оқыту кезеңінде өмірлік қиын жағдайға тап болған балаларды қолдау орталығында алғаш рет «Адал кітапхана» іске қосылды. Онда осы мекеменің тәрбиеленушілері кітапхананы еркін пайдалана алады, журналға тіркеліп, кітапты қолданғаннан кейін кері қайтарады, ал кітап­ха­на бес күндік жұмыс аптасынан «де­ма­лыссыз» режімге ауыстырылды.

Жаңа оқу жылында «Адал ұрпақ», «Саналы ұрпақ» еріктілер клубтарының жұмысы және integrityshop жұмысы әрі қарай жалғасады.

Сондай-ақ келесi жобаларды іске асыру жоспарлануда:

– «Сенім бюросы» жобасы (әр мек­тепте жол жүруге, сөм­ке­лер­ге, телефондарға, ақша­лар­ға және т. б. арналған жә­шік­тер құ­ры­лад­ы);

– «Бірыңғай іс-қимыл күні» жобасы, тоқсан сайын «Мектеп – әлеуметтік белсенділік аумағы» акция­лары, «Менің азаматтық ұста­нымым» роликтері, «Ере­сек­терге сұрақ қой» брифингтері жүзеге асады;

– «Адалдық шеберхана» жобасы (әр мектепте шеберхана бұ­рыштары ұйымдастырылып, онда балалар бос уақытында қол­­өнермен айналыса алады, жұ­мыс­тар кейін «Адалдық дүкен­де­рі­н­­де» сатылады.

Төтенше жағдай кезінде жоба менеджерлері Арнайы мо­­ни­­то­ринг­тік топпен бірлесіп қала базарларында азық-түлік бағасының жоғарылауын бақы­лау жасау үшін мониторинг жүргізді, блок – бекеттерінің жұ­мысы тексерілді, қала­ның кіре­берістері мен көше­лерін дезин­фекциялауды жүргі­зе­тін ұйым­дар­дың қызметі зер­деленді, тиісті ұсыныстар әзір­ленді. Барлық іс-шаралар бұқа­ра­лық ақпарат құрал­дары мен әлеуметтік желі­лер­де белсенді түр­де жарияланып келеді.

Аталған жұмыстар бұқараның жемқорлыққа қарсы мәдениетін қалыптастыруына оң ықпалын тигізуде. Сыбайлас жемқорлыққа қарсы іс-шаралар жалғасатын болады. Біз азаматтардың тарапынан келіп түскен барлық ұсыныс-тілектерді барынша назарға алып, шешу жолдарын қарастырамыз. Алайда өзіміз өмір сүріп отырған қоғамды барынша қолайлы әрі қауіпсіз ету – әрқайсымызға жүктелген міндет.

Жазира ЖЫЛҚЫШИЕВА,

Сыбайлас жемқорлыққа қарсы іс-қимыл агенттігі Нұр-Сұлтан қаласы бойынша департамент басшысының бірінші орынбасары