Аймақтар • 23 Мамыр, 2020

Атырау: Оқушылар соңғы қоңырауда Жұмекен жырларын оқиды

165 реткөрсетілді

Биыл Әнұран авторларының бірі –Жұмекен Нәжімеденовтің туғанына 85 жыл. Осыған «Атырау» телеарнасы  #Jumeken85 өлең эстафетасын бастаған болатын.

Басты мақсат — тұңғиық жырдың тұнығы атанған мерейгер ақынның шығармашылығын дәріптеу арқылы жас ұрпақты отансүйгіштікке тәрбиелеу. Атыраудан  бастау алған жыр эстафетасын  мемлекет және қоғам қайраткерлері, жоғары оқу орнының басшылары мен зиялы қауым қолдады. Олардың арасында өнер зерттеушісі Илья Жақанов, композитор Төлеген Мұхамеджанов, Қазақстан Жазушылар Одағының басқарма төрағасы Ұлықбек Есдәулет, ақын Светқали Нұржан, Парламент Сенатының депутаттары Нұртөре Жүсіп пен Сәрсенбай Еңсегенов, Мәдениет және спорт министрі Ақтоты Райымқұлова  да бар.

Ақын өлеңдерін оқуға мектеп оқушылары да белсенділікпен қатысуда. Енді Атырау облысындағы барлық мектептің оқушылары Жұмекен ақынның жырларын соңғы қоңырауда онлайн оқуға дайындалып отыр.

– Волонтер жылы аясында бұл іс-шараны мектеп оқушылары ерікті түрде өткізеді. Облыстық білім басқармасы өлең оқуды ұсыныс ретінде берді. Оқушылар мен ата-ана қолдайды деп сенеміз,  - дейді идея авторы, белгілі тележурналист, «Атырау» телеарнасының директоры Әуесбайдың Қанаты.

Соңғы жаңалықтар

Әлемдегі ең бай 10 спортшы

Спорт • Бүгін, 12:34

Түркістан 32 секторға бөлінді

Аймақтар • Бүгін, 12:33

Лотерея қызметі реттеледі

Парламент • Бүгін, 11:47

Алматыда атыс орын алды

Аймақтар • Бүгін, 11:44

Педагогтер 56 күн демалады

Білім • Бүгін, 11:44

Ұқсас жаңалықтар