Бұл қызметке Анвар Кимович Боранбаев тағайындалды. Министр компанияның жаңа басшысын ұжымға таныстыру кезінде ҚР Тұңғыш Президенті-Елбасы Нұрсұлтан Əбішұлы Назарбаевтың экономиканың дəстүрлі өндіру салаларының тиімділігін көтеру жəне Қазақстанды əлемдік геологиялық барлау нарығына шығару міндетін қойғанын еске салды.
«Бұдан басқа, Мемлекет басшысы Қасым-Жомарт Тоқаев геологиялық барлау бағдарламасын əзірлеуге жəне осы жұмысқа назар аударуға шақырды. Жаңа басшылықтың алдында инвестиция тарту, алдыңғы қатарлы технологиялар трансферті, геологиялық саланы ғылыми-аналитикалық қолдау және т.б. міндеттер тұр», - деп атап өтті Министр.
А.Боранбаев 1967 жылы Талдықорған қаласында дүниеге келген.
1992 жылы Алматыдағы Қазақ политехникалық институтының геологиялық барлау факультетін тау-кен инженері-геофизик мамандығы бойынша бітірді.
Жұмыс тәжірибесі:
- «Өзенмұнайгаз» АҚ, «Қазақстан Каспий шельфі» АҚ қызметкері (1999-2003);
- «БанкТұранӘлем» ААҚ сарапшысы (2003-2004);
- «Танашнефтегаз» АҚ геология және өндіріс жөніндегі вице-президенті (2004-2006);
- «Теңге БК» ЖШС бас директорының бірінші орынбасары (2006-2007);
- «Теңге БК» ЖШС бас директоры (2007-2009);
- «Қазақстан мұнай және газ институты» АҚ геология және тау-кен технологиялары жөніндегі басқарушы директоры (2009-2010 жж.);
- «Ұлттық сейсмологиялық байқаулар мен зерттеулер орталығы» АҚ Басқарма төрағасы (2016-2017);
- Сейсмология институтының директоры (2017-2018);
- «Қазгеология» ҰК АҚ.
Бұған дейін Алмаз Әбдіғалымов компанияның төрағасы болған.
