Біз Президенттің қазіргі таңда дәрігерлік міндеттерді тиісінше орындамау туралы ұғымды заң жүзінде және нақты ажырату қажеттілігі туралы айтқан сөзін толық қолдаймыз. Президент ғылымды дамытуға үлкен көңіл бөлуде. Үкіметтің іргелі ғылым мен зерттеу институттарын базалық қаржыландыру көлемін ұлғайту мүмкіндігін қарастыру керектігін атап өтті. Айта кетейік, Қазақ онкология және радиология ҒЗИ-да клиникалық және ғылыми-зерттеулерді сапалы жүргізу үшін қаржыландыруды да, материалдық-техникалық базамен жабдықтауды да талап ететін клиникалық зерттеулер жүргізіледі. Сонымен қатар онкологиялық аурулардың алдын алу мен ерте асқындырмай диагностикалауға үлкен көңіл бөлініп отырғанын атап өткім келеді. Мәселен, Қазақстан халқы үшін емханаларда онкоскринингтер сүт безі обырына, колоректалды обырға және жатыр мойны обырына тегін жүргізіледі. Жыл сайын мемлекеттік бюджеттен скринингтер жүргізуге 4 млрд теңге бөлінеді. Қазіргі таңда, COVID-19-ға қатысты жағдайды ескере отырып, әрбір адам санитарлық-эпидемиялық нормалар мен жеке гигиенаның маңызы мен сақталуын түсінуі тиіс.
ҚазОжРҒЗИ-да біздің мамандарымыздың біліктілігін арттыруда жүйелі түрде жұмыстар жүргізіледі. Мысалы, оқыту конференциялары, мастер-кластар, шетелдік мамандармен бірлескен туморбордтар. Сондықтан Президенттің жоғары білікті мамандарға көп көңіл бөлгені қуанта-
ды.
ҚазОжРҒЗИ ұжымы Мемлекет басшысының барлық бастамаларын қолдайды және отандық медицинаның жаңа, сапалы деңгейін көтеру үшін қолынан келгеннің бәрін жасайды.
Диляра ҚАЙДАРОВА,
Қазақ онкология және радиология ғылыми-зерттеу институтының басқарма төрайымы,
ҰҒА академигі
АЛМАТЫ
