Елбасы • 19 Маусым, 2020

Алаңдауға негіз жоқ

21 рет көрсетілді

«Қазақстанның Тұңғыш Президентінің коронавирус жұқтырғаны белгілі болды. Осыған байланысты Елбасы оқшауланды. Бірақ алаң­дауға еш негіз жоқ. Нұрсұлтан Назарбаев қашықтан жұмыс істеуді жалғастыра береді», деп хабарлады Елбасының баспасөз қызметі.

Бұл туралы Елбасының баспа­сөз хатшысы Айдос Үкібай төмен­дегідей пікір білдірді. «Ай бас­талғалы Нұрсұлтан Назарбаев­тың жұмыс кестесі өте тығыз болды. Елбасы екі­жақты келіссөздер жүргізіп, ресми тұлғаларды қабылдады. Оған қоса, Тұңғыш Президент отандық және шетелдік БАҚ өкілдеріне сұхбат берді. Жалпы алғанда телевизиялық түсірі­лім үшін 40 адам жұмыс істеді, соның ішінде шетелдің аза­маттары да бар. Нұрсұлтан Назар­баевтың жағдайын медицина қызметкерлері бақылап отыр. Алаңдауға негіз жоқ. Елбасы заманауи коммуникация арналарын пайдаланып қашықтан жұмыс істеп жатыр. Бекітілген хаттамаға сәйкес, Тұңғыш Президенттің басқа тұлғалармен байланысы шектелді. Елбасы қатысатын жоспарланған кейбір іс-шара­лар бейнеконференцбайланыс түрінде онлайн режімде өтеді. Ресми хабар тараған алғаш­қы минуттан бастап Тұңғыш Президенттің денсаулығына алаң­­даған және тезірек сауығып кетуін тілеген азаматтардан хат алып жатырмыз. Менің телефоным хабар­лас­қандар мен мессенджерлерден келген хабарламаға толып қалды. Журналистер, дос­тар, туыстар, әріптестер хабарласып, Елбасына күш-қуат пен мықты денсаулық тілеп жатыр. Олардың қатарында жақын және алыс шетел­ден хабарласқандар бар. Тұң­ғыш Президентке Мемлекет бас­шысы Қасым-Жомарт Тоқаев та қолдау білдірді, еліміздің бар­лық аймағынан Елбасы Кеңсе­сіне жеделхаттар келіп түсіп жатыр. Нұрсұлтан Назарбаев қазақ­стандықтар мен барлық алаң­дап отырған адамдарға алғыс білді­ре­ді», деді Айдос Үкібай.

 

Соңғы жаңалықтар

Шәміл

Тарих • Кеше

ZOOM акциялары қымбаттады

Технология • Кеше

Ұқсас жаңалықтар