Технология • 19 Маусым, 2020

Қазпошта ШОБ-қа арналған жаңа сервисті іске қосты

188 рет
көрсетілді
1 мин
оқу үшін

Visa халықаралық төлем жүйесінің қолдауымен, Қазпошта POS Mobile брендімен Tap-X-Phone технологиясын енгізді. Енді кәсіпкерлер қымбат pos-терминалдарды сатып алмай, жаңа қосымшаны смартфондарына жүктеп алып, бизнестерін үнемді және функционалды нұсқасына көшіре алады, деп хабарлайды Egemen.kz 

Қазпошта ШОБ-қа арналған жаңа сервисті іске қосты

Клиенттер төлем картасын, смартфонды немесе басқа смарт-гаджетті пайдаланып, тауар ақысын төлей алады. Ұсынылған цифрлы технология төлем инфрақұрылымын дамытып, Қазақстандағы байланыссыз төлемдердің ену қарқынын арттыруға мүмкіндік береді.

"Қазпоштаның POS Mobile сервисі NFC технологиясымен қарапайым смартфонды POS-терминалға айналдыруға мүмкіндік беретін мобильді эквайринг саласындағы жаңа мүмкіндік. Кәсіпкерлер байланыссыз банктік карталар мен NFC бар ақылды құрылғыларды қабылдай алатындығына қосымша, дүкенде жүргізілген кез-келген операцияларды қашықтықтан бақылай алады. Оларға тек Tap-X-Phone технологиясы бар смартфон керек", дейді Қазпоштаның Басқарма төрағасы Сакен Сарсенов.

POS Mobile сервисі арқылы төлемдер Visa және Mastercard карталарынан қабылданады. Компания сонымен қатар "Әлеуметтік карта" жобасын мектеп оқушыларының тамақтану ақысын төлеу және Қазпоштаның серіктес сауда нүктелеріндегі қызметтердің ақысын төлеу үшін пайдалануды жоспарлап отыр.