Руханият • 21 Маусым, 2020

Брюссельде қазақ мәдени орталығы ашылды

23 рет көрсетілді

Брюссельде Қазақстанның Бельгиядағы Елшілігі жанындағы "Тіл-Қазына" қазақ мәдени орталығы өз есігін ашты, - деп хабарлайды Қазақстанның Бельгия Корольдігіндегі Елшілігі.

Қазақстанның Бельгиядағы Елшісі Айгүл Құспан сөйлеген сөзінде Елшілік Қазақ мәдени орталығы арқылы Қазақстанның бай, көп қырлы мәдениетін және тарихын насихаттауға ниетті екенін атап өтті.

Орталықта қазақ тілі мен әдебиеті пәнінен сабақтар, Қазақстан тарихы мен мәдениеті туралы семинарлар, тіпті қазақ қолөнері мен қазақ тағамдары бойынша шеберлік сыныптарын өткізу жоспарлануда. Сонымен қатар Орталықта екі жыл бұрын Елшілік құрған қазақ би орталығы өз жұмысын жалғастырады. Балаларға "Қазақ тiлi мен қазақ әдебиетінің оқытушысы - Филолог" мамандығы бойынша дипломы бар мұғалім, елшілік қызметкерінің жұбайы Мейіргүл Сабаз үйретеді.

"Болашақта біз Қазақстаннан асырап алынған балаларды, сондай-ақ қазақ диаспорасын мәдени орталығымыздың жұмысымен таныстыруды жоспарлап отырмыз. Олар үшін отанымен байланысын сақтауға орталығымыз себепкер болады деген үміттемін.

Тіл – халық тарихы, тіл – ұлттық қазына, тіл – біздің намысымыз, арымыз, байлығымыз. Әр ұлт ана тілінің өзіндік ерекшелігімен, қалыптасуымен дараланады. Халқымыздың өткені мен болашағы, баға жетпес байлығы – ана тілі. Олай дейтін себебіміз, тіл – халықтың ұлттық болмысы, сәні, кескін-келбеті, тарихы.

Мәдени орталығымыз бәрімізге ортақ "қазына" болады. "Қазынамызды" байытуға, кітап қорын көбейтуге, түрлі қызықты материалдар іздеуге бәріміз жұмыла кірісуіміз керек. Ал, ендеше іске сәт!" - деді Елші А. Кұспан.

Соңғы жаңалықтар

Италияда тоғыз жүлде алдық

Спорт • Бүгін, 10:10

Әр сала үздіктеріне құрмет танытты

Аймақтар • 05 Наурыз, 2021

Бағдат Мусин Шымкентке барды

Аймақтар • 05 Наурыз, 2021

Ұқсас жаңалықтар