Өйткені, парасаттылық идеологиясы сыбайлас жемқорлыққа қарсы күресті күшейтудің тұжырымдамалық негізі ретінде айқындалған. Бұл кешенді ұғымға адалдық, әдептілік, заңдылық, сатылмаушылық, сенімділік, адамгершілік, тұрақтылық жатады.
– Біздің академиядағы бейнелеу өнері және дизайн кафедрасының оқытушылары сыбайлас жемқорлыққа қарсы күреске өз үлесін қосып, әлеуметтік зұлымдықпен күресуді мақсат етіп отыр. Мұндай жобалар өте күрделі болғанымен, біз өз жұмысымыздың нәтижесін қала тұрғындарының оң пікір білдіруінен байқаймыз, – дейді суретші Мирас Жанғожиев.
Оның айтуынша, бір сурет бір аптадан 10 күнге дейінгі мерзімде салынды. Суретшілер оған арнайы бояу құйылған 100-ден астам балонды пайдаланады.
– Балондардағы бояу сапасы суға төзімді. Сол себептен үйдің қабырғасы сапалы әрі сенімді болса, суреттер ұзақ уақыт бойы сақталып тұрады. Мұндай суреттерді алда да салуды ойластырудамыз, – дейді ол.
АТЫРАУ
