Аймақтар • 02 Шілде, 2020

Атырауда кәсіпкер 3 млн-ға жуық шприцті тегін береді

1619 рет көрсетілді

"Брандо" ЖШС-нің құрылтайшысы Махмут Мералиев бір реттік шприцтерді тегін беруді ұйғарды, - деп хабарлайды Egemen.kz

"Қазіргі ахуал қолдан келген көмекті көрсетудің қажеттігін байқатты. Себебі, қауіпті  індеттің таралу жылдамдығы өршіп барады. Соған байланысты  2 950 000 бір реттік шприцті тегін таратуға ұйғарым жасадық. Алғашқы легі – 500 000 дана. Ал, Қызылқоға ауданының  әр тұрғыны үшін 10 данадан 300 000 данасын тегін береміз", дейді Махмут Мералиев.

Кәсіпкер бұған дейін Қызылқоға аудандық ауруханасына 1 млн 345 мың теңгенің дәрі-дәрмегін, 1 млн теңгенің оттегі баллонын алып беріпті. Сондай-ақ, аудандық ауруханадағы 10  пациенттің әрқайсысына  материалдық көмек көрсетті.

Кеше атыраулық волонтерлар  кәсіпкер ұсынған бір реттік 500 000 шприцті  Атырау қаласының тұрғындарына  тегін таратты. Бір адамға –15 дана шприцтен.  Енді олар қала маңындағы 7 ауылдық округ тұрғындарына  тегін таратуды көздеп отыр.

Соңғы жаңалықтар

Ұқсас жаңалықтар