Қоғам • 10 Шілде, 2020

Көңілге медеу болған үндеу

96 рет көрсетілді

Елдегі қазіргі күрделі жағдайға байланысты Мемлекет басшысы Қасым-Жомарт Тоқаевтың халыққа үндеу жариялауы аса маңызды деп есептеймін. Өйткені осындай қиын кезеңде Президенттің әр сөзі – көңілге медеу. Оның үстіне пандемияның одан әрі тарамауына байланысты нақты тапсырмалар берді.

Өкінішке қарай – корона­вирусқа әлемдегі медицинасы дамыған мемлекеттер де дер кезінде төтеп бере алған жоқ. Бір күнде мыңдаған адамның вирус жұқтыруы медицина саласына үлкен салмақ түсірді. Мұндай жағдай біздің елді де айналып өтпеді. Денсаулық сақтау саласы ауруханаға ағыл­ған науқастар нөпірінен қиын­дыққа тап келді. Вируспен күресіп жүрген дәрігерлеріміз де жұқтырып, тіпті қаза болған оқиғалары да кездесті. Мұның бәрі, әрине, оңай емес.

Қауіпті дерт тұрғындар арасына тарап кетті. Қазір елімізде түсініксіз тұмаумен ауыры­п, пнев­монияға шалдығып жат­қандар саны да күрт артыпты. «Жығылғанға жұдырық» демекші, осындай кезеңде дәрі­ха­наларда дәрі қымбаттап, кей­бірі сөрелерден табылмады. Дер­тіне шипа болар дәрі тап­па­ған жұрт сеңдей соғылысып жүр.

Мемлекет басшысы Қасым-Жомарт Тоқаев халыққа үнде­уінде бұған ерекше назар аударды. Президент дәрі-дәрмек бағасын негізсіз көтергендерді жауапкершілікке тартуға тапсырма бергенін мәлімдеді.

Енді алғашқы медициналық көмек көрсету жұмысы одан әрі жетілдірілмек. Қазірге дейін Қазақстанда универсалды 400 мобильдік емдеу бригадасы бар. Осы айдың соңына дейін оның саны 3,5 мыңға артады. Ауруханалардағы орындар саны көбейтіліп, дала госпитальдарын жасақтау қолға алынбақ.

Қорыта айтқанда, жұқпалы індет салдарынан жақынынан айырылған жұртымыз үшін, дертке дауа таппай елең-алаң күй кешкен еліміз үшін бұл кө­ңілге медеу, жанға жігер, үмітке қанат бітірген үндеу болды.

 

Жамбыл Ахметбеков,

мәжіліс депутаты

Соңғы жаңалықтар

«Қатарыңның алды бол!»

Сұхбат • Бүгін, 08:11

Аналарды ардақтаған аудан

Оқиға • Бүгін, 08:05

Жол бойын жайлаған жайсыздық

Аймақтар • Бүгін, 08:01

Көмек көптік етпейді

Аймақтар • Бүгін, 07:51

Өткеннен – өнеге

Таным • Бүгін, 07:46

Жауынгер тағдыры

Тарих • Бүгін, 07:40

Айтылған ескертуді елер емес

Аймақтар • Бүгін, 07:18

Бар ойы еліне еңбегін сіңіру

Руханият • Бүгін, 07:15

Көктегі өзен

Руханият • Бүгін, 07:10

Бисеновтер тағдыры

Руханият • Бүгін, 06:57

Бес баланы құтқарды

Оқиға • Бүгін, 06:54

Мақсаты биік Мақсат

Аймақтар • Бүгін, 06:53

Сұңғыла сыры (Эссе)

Руханият • Бүгін, 06:50

Аты аңызға айналған адам

Таным • Бүгін, 06:48

Ұқсас жаңалықтар