![«Абай әндері» асқақтайды](/media/2020/07/10/999.jpg)
Байқауға барлық тілек білдірушілер қатыса алады. Ол үшін Абай Құнанбайұлының өзіңіз сүйіп тыңдайтын туындысын орындап, оны бейнетаспаға жазып, қазылар алқасына жіберуіңіз қажет. Іс-шара туралы толық ақпарат ресми сайтта www.gatob.kz және театрдың әлеуметтік желілеріндегі аккаунттарда жарияланған. Байқауға қатысушылардың бейне-жазбалары театрдың ресми YouTube арнасында орналастырылады, онда ашық онлайн дауыс беру өтеді.
– Абайдың 175 жылдығына орай 2020 жылы ауқымды бағдарлама дайындадық, – деді МАОБТ директоры Ая Қалиева, – Мерейтой аясында ТҮРКСОЙ елдерінің қатысушыларымен халықаралық фестиваль өткізу жоспарланған болатын. Алайда пандемияға байланысты барлық іс-шараларды кейінге қалдыруға тура келді. Бірақ біз онлайн-байқау өткізуді және оған кәсіби емес орындаушыларды тартуды дұрыс көрдік, өйткені Абай – халық ақыны. Байқауға Түркі елдерінің өкілдері де қатыса алады, осылайша біз шығармашылықтың көкжиегін кеңейтеміз, әртістерді жанрлармен шектемейміз, олар ойшылдың шығармаларын жеке және ансамбльдерде орындай алады. Байқау сонымен қатар таланттарды ашуға арналған. Ашық онлайн дауыс беру соңында барлық жеңімпаздар ұйымдастырушылардан алғыс хаттар мен дипломдарға ие болады, ерекше көзге түскен өнерпаздарды театрдағы қойылымдарға шақырамыз.
Театрда карантин басталғаннан бері ұйымдастырылған онлайн-бағдарламадан басқа жаздың соңына қарай Абай құрметіне ашық аспан астында концерт өткізілмек.