Осыған орай қайғыдан қан жұтқан отбасылардың қайғыларына ортақтасып, зиялы қауым өкілдері көңіл айтты. Сын-сағатта халықтың сағы сынбай, дерттен тез арада арылатынымызға сенім білдірді.
"Арынан аттамаған ардақты ағайын! Елімізде болып жатқан қиындық ол бәрімізге ортақ дүние. Бұл Қазақстанды ғана емес, әлем жұртшылығын әбігерге салды. Біздің халық бұл жаппай індеттен шығу алдында, ауызбіршілікте, еліміздің аспанын ашық, жерін таза ұстап, сырқатты жеңе білетіндей бірлікте болуымыз керек", дейді Мемлекет және қоғам қайраткері Асылы Осман.
