Аймақтар • 21 Шілде, 2020

Нұр-Сұлтанда барлық компьютерлік томографтар тәулік бойы жұмыс істейді

261 рет

көрсетілді

1 мин

оқу үшін

Елордада науқастарға медициналық көмекті дер кезінде көрсету үшін барлық компьютерлік томографтардың жұмысы тәуліктік режимге ауыстырылды. Компьютерлік томография covid-19 нәтижесінде пайда болатын пневмония мен өкпедегі басқа да патологияларды ерте кезеңде анықтауға мүмкіндік береді. Бұл туралы қала әкімдігінің ресми сайты хабарлады, - деп жазады Egemen.kz

Ақмарал АҒЗАМҚЫЗЫ

Нұр-Сұлтанда барлық компьютерлік томографтар тәулік бойы жұмыс істейді

Елордада он жеті КТ-аппараты бар. Олардың барлығы тәулік бойы жұмыс жасайды. Елорда әкімдігі қосымша тағы екі КТ аппаратын сатып алды. Олар шілде айының соңына дейін қалаға әкелінеді.

Қаладағы барлық 14 мемлекеттік және 2 жеке емханада рентген аппараттары бар. Маусым-шілде айларында барлығы 20 мыңға жуық кеуде қуысына зерттеу жүргізілді.