Алматыда да маска тақпағандарға жаза қолданылып жатыр. Режимді сақтамағаны үшін бүгінде 324 адамға және 10 заңды тұлғаға айыппұл салынған.
Ал елордалық мамандар күн сайын көшеде бетпердесіз жүрген адамдарға үгіт насихат жүргізуге кіріскен.
"Жәй түсіндіргенді елемей ерегісіп кететіндер де аз емес. Тегін масканың өзінен бас тартады. Талапқа бағынғысы жоқ", - дейді олар.
Дегенмен тентекті тезге түсіретін тәртіп бар. Мойынсұнбағандар 83 мың теңге айыппұл арқалайды. Өткен демалыс күндері карантин тәртібін бұзған 165 факті анықталды.
