Вирусқа қарсы антидене қалыптастыру жолдары

Коронавирус • 22 Шілде, 2020

Вирусқа қарсы антидене қалыптастыру жолдары

110 рет көрсетілді

Вирус жұқтырып,емделіп шыққанымен кей адамдарда короновирусқа қарсы иммунитет пайда болмауы мүмкін. Сондықтан оны қайтадан жұқтырып алу қаупі бар, - деп хабарлайды Egemen.kz Қазақстан ұлттық арнасына сілтеме жасап.

Динар КЕРІМ

Короновирусқа шалдыққан адам бірден толыққанды айығып кетпейді. Ағза қалыпқа келуі үшін біраз уақыт керек. Ғалымдар осылай дейді. Сондықтан дәрігер нұсқауынсыз антибиотик қабылдамай, оңалту шараларына мән берген жөн.

Британдық ғалымдар 4 миллиондай адамға зерттеу жүргізіліп, нәтижесінде соның 10 процентінде 4-7 аптаға дейін әлсіздік, шаршау болғанын анықтаған. Ал оны емдеудің тәсілі жоқ. Сондықтан қалыпқа келу үшін -жақсы көңіл -күй керек, ұйқы қанық, тамақ дұрыс болғаны жөн. Көмірсу мен ақуызға бай тағамдар ағзадағы жасушалардың жұмысын жақсартады. Бактерияларды жойып, вирусқа қарсы антидене қалыптастырады.

Мамандардың айтуынша, қалыпты жағдайға оралу үшін, мал мен құс еті көмектеседі. Әсіресе, жылқы етін тұтыну - ағзаға күш беріп, иммунитетті нығайт ады.

Ауырып болған адамда вирусқа қарсы антидене 3 ай ғана сақталады. Ал кейбіреулерде ауруға қарсы иммунитет түзілмейді. Сондықтан олар вирусты қайта жұқтыруы әбден мүмкін. Ол тіпті бірнеше рет қайталануы да ғажап емес. Себебі көп жағдайда науқастар дәрі-дәрмекті дәрігер нұсқауынсыз пайдаланады. Әсіресе антибиотиктің зияны көп.

Антибиотиктер төзімділікті шақырады. Яғни, сіз кейін бактериалдық басқа инфекциямен ауырсаңыз бұл антибиотик сізге көмектеспейді. Екіншіден, иммуносупрессия, иммундық жүйені әлсіретеді, - дейді мамандар.

Коронавирус өте ауыр өтсе, тамырларда тромб түзілуі мүмкін. Қауіпті дерттің осы секілді өзге де салдары көп. Ол әрине науқастың жасына, аурудың дәрежесіне байланысты. Сондықтан дәрігерлер науқасқа айыққаннан кейін бірнеше ай оңалтудан өтуге кеңес береді.