Қазір балалардың жағдайы бірқалыпты, ауру жеңіл өтуде, дейді дәрігерлер. Дегенмен, коронавирус жұқтырған балақайлар да тиісті санитарлық нормаларды сақтағаны жөн. Өйткені, олар да вирус тасымалдаушы болуы мүмкін.
62% қазақстандық балаларда короновирус жұқпалы ауруы симптомсыз өткен. 26 процентінде жеңіл өткен. 8% ауру - орташа, 4% - ауыр түрде байқалған. Ауыр түрде өту себебі, балалардағы бұрыннан келе жатқан созылмалы аурулар.
Ал күзде-қыста балалар арасында өзге де вирустық инфекциялардың өршитіні белгілі. Көп жағдайда ауру асқынып, пневмонияға алып келеді. Сондықтан қауіпті кезеңде оларды оқшаулап, жұқпалы дерттен қорғау үшін Үкімет қашықтан оқыту туралы шешім қабылдаған болатын.
