Аймақтар • 24 Шілде, 2020

Волонтерлердің де еңбегі ерен

21 рет көрсетілді

Елімізде жүздеген волонтер тәулік бойы дәрігерлермен бірге қызмет етуде. Олар оқшауланған науқастарды бақылап, аурухана, провизор орталықтарында дәрігерлерге көмектесуде. Волонтерлердің мақсаты – індеттің таралуын тоқтатуға барынша атсалысу.

Облыс орталығындағы «Баян­тау» спорт кешенінде арнайы гос­питаль ашылды. Бұл жерде ко­ронавирустық инфекцияға ұқсас белгілері бар науқастар қабыл­данады. Ал осы кешенде спорт нұсқаушысы болып қызмет еткен волонтер – Азамат Қарғожинов триаж орталығында волонтер дос­­тарымен бірге дәрігерлерге көмек­­тесуде. Олар орталықта таза­лық сақ­тау, науқастарға азық-түлік жеткізу сияқты қызметтерді атқарады.

– Әрине, алғашқыда физикалық, психологиялық тұрғыдан қиын болды. Қазір үйрендік. Арнайы қор­ға­ныш киімін киеміз, – дейді Азамат.

Спортшы, волонтер Зафар Ша­фи­ков күндізгі ауысымда жұмыс істейді.

Қазір провизорлық орталыққа айналған ауруханада Азамат пен Зафар секілді волонтерлер аз емес. Барлығы да арнайы қорғаныш киім­дерін киіп, ауысымға дайын жүреді. Індетпен күресіп жүрген дәрі­герлерге көмек көрсетеді. Жер­гілікті екі колледж ұжымы түскі және кешкі ас әзірлейді. Мы­са­лы, Яна Касьян музыкалық кол­ледж­де скрипкадан сабақ берсе, қазір ол оқытушылығын уақытша аспаз­дыққа ауыстырыпты. Яна бастаған қыздар провизорлық гос­питальда қызмет етіп жүрген 25 дәрігерге түскі ас әзірлейді.

Ал павлодарлық блогер Конс­тан­тин Музалевский 14 сағат бойы жабық қорғаныш киімде жүріп, дәрігерлер көмектесуде. Ол да волонтер-санитар атанды.

– Мен «Баянтау» триаж орта­лы­ғына әлеуметтік желілердегі дәрі­­герлер шақыруын көріп, бір­ден келдім, – дейді Константин Музалевс­кий. – Блок-бекеттерде, ауру­­ха­на­ларда дәрігерлермен бірге ін­детпен күресуге кірістім. Ауы­­­сым сайын орталықта жатқан нау­­қас­тарға көмектесемін, оларға келген сәлемдемелерді жеткіземін, жаңадан түскен науқастарды тір­кеймін.

Волонтер жігіт Константин то­лық жабық киім  киіп жұмыс істеу­дің  қиындығын өз көзімен көріп, өз денесімен сезініп, дәрігерлер жұ­мы­сының оңай еместігін түсінгенін, оларды қолдайтынын жеткізді.

– Ыстық күнде қорғаныш жабық костюмде жұмыс істеп жүргендерді көрдім. Қорғаныш жабық киім дегеніңіз – іші ыстық, тіпті еркін қозғалуыңызға кедергі жасайтын арнайы киім. Бір-бірімізді, дәрігерлерді, санитарларды  ажырату үшін  қорғаныш киім сыртына маркермен қызметімізді, аты-жөнімізді жазып қояды. Әйтпесе, бәріміз бірдейміз. Бір-бірімізді сөзсіз-ақ ұғынып, түсінісеміз. Ал «қызыл» – жабық жерден, «жасыл» алаңға өту үшін міндетті түрде  қорғаныш киімін шешіп, суға түсіп, душ қабылдайсың. «Жасыл» алаңға шыққанда аздап демалып, тамақ ішіп әлденіп аласың. Жұмысқа қайта оралғанда, яғни «қызыл» алаңға өткенде қайтадан жаңа қорғаныш киімін киіп, бетперде, көзілдірік тағамыз. «Баянтау» провизор орталығында науқастар үшін барлық жағдай жасалған. Барлық дәрі-дәрмек қазір толық жеткілікті, – дейді волонтер.

Өңірдің бас эпидемиологі Сәуле Оспанованың айтуынша, госпитальда барлық медициналық талаптар сақталған. Спорт кешеніне 200 провизорлық төсектік орын қойылған. Ғимараттың аумағында «жасыл», «қызыл» аймақтар бар. Науқастар «қызыл» аймақ арқылы таза аймаққа өтеді. Қызметкерлер үшін қосалқы есіктер жасалған. Госпитальға түскен науқастар күн­делікті өмір үшін қажетті заттармен қамтамасыз етілген. Сондай-ақ call-орталығы жұмыс істейді, госпитальда wi-fi бар. Бұл арқылы науқастар компьютерлерде жұмыс істеуге мүмкіндік алады. Триаж-орталықтың іске қосылуы ауруханалар мен жедел жәрдем қызметінің жүктемесін азайтуда. Бұл жерде жедел шешім қабылдайтын тәжірибелі дәрігерлер жұмыс істейді. Барлық медицина қызметкері жеке қор­ға­ныш құралдарымен толық қам­та­масыз етілген. Медицина қызмет­кер­лерінің де, науқастардың да эпидемиялық қауіпсіздігі – аса маңызды.

 

Павлодар облысы

 

Соңғы жаңалықтар

Маңғыстауда дельтаплан құлады

Аймақтар • Бүгін, 11:24

Елімізде тағы 55 адам індеттен айықты

Коронавирус • Бүгін, 09:00

Алыстан жеткен алғыс

Аймақтар • Кеше

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Ұқсас жаңалықтар