Сонымен қатар, үкіметтік делегация халыққа көрсетілетін тегін медициналық көмектің 24 түрі бойынша қызмет етіп жатқан қалалық емхананың жұмысын тексерді. Ералы Тоғжанов Нұр-Сұлтан қаласындағы емханалардың жұмысын ұйымдастыру тәжірибесіндегі үш бағытқа ерекше тоқталды. Олар мобильді топпен үйде симптомсыз жұмыс істеу, пациенттерді онлайн-қабылдау және емханада науқастарды екі аймаққа бөлу арқылы тікелей емдеу. Жалпы, Маңғыстау облысында “COVID-19” індетімен күресу үшін 2000-ға жуық медицина қызметкерлері жұмылдырылып, 126 мобильді топ ұйымдастырылды.
Премьер-Министрдің орынбасары Ералы Тоғжанов барлық медицина қызметкерлеріне алғысын білдіріп, үкімет тарапынан жан-жақты қолдау көрсетуге дайын екендігін атап өтті.
