Оқиға • 27 Шілде, 2020

Президент педофилді құрықтаған полицейді "Айбын" орденімен марапаттады

307 рет көрсетілді

Президент педофилді құрықтаған полицейді "Айбын" орденімен марапаттады, деп хабарлайды Egemen.kz

Алматы қаласында педофилді ұстаған полиция майоры Бақытжан Бәкіров Президент Жарлығымен ІІ дәрежелі "Айбын" орденімен марапатталды.

– Қызметтік борышын орындау кезінде көрсеткен ерлігі мен жанқиярлығы үшін Ішкі істер министрлігі Алматы қаласы полиция департаменті Түрксіб аудандық полиция басқармасының жедел уәкілі Бақытжан Әнуарбекұлы Бәкіров II дәрежелі “Айбын” орденімен марапатталсын, – делінген Жарлық мәтінінде.

Естеріңізге сала кетейік, Бақытжан Бәкіров полицейден қашып кетпек болған қылмыскердің артынан 13 қабаттың терезесінен секірген. Құқық қорғау органдарының қызметкері екі қабаттан төмен жерге құлап, аяғын сындырып алады. Сөйте тұра ол қылмыскерді құрықтап, әріптестері оқиға орнына жеткенше ұстап отырған.

Ұсталған азамат кәмелетке толмаған адамды тонау және зорлау үшін айыпталуда. Полиция майоры Бақытжан Бәкіров аяғына үш операция жасады. Дәрігерлер емделушінің қазіргі жағдайы жақсы және көп ұзамай жұмысқа оралып, тағы да көптеген қылмыскерді ұстай алатынына сендіреді.

Бүгінгі таңда полиция майоры мен жұбайы екеуі алты баланы тәрбиелеп отырған көпбалалы отбасы.

Соңғы жаңалықтар

11 тамызға арналған валюта бағамы

Экономика • Бүгін, 09:40

Екінші айналымға шықты

Теннис • Бүгін, 08:39

Исламиаданы сәтті бастады

Спорт • Бүгін, 08:37

Алуан ауруды анықтайтын аппарат

Медицина • Бүгін, 08:30

Ұлы шайыр ұлықталған күн

Абай • Бүгін, 08:20

Абай мұрасы асқақтады

Абай • Бүгін, 00:04

Ұлттық мереке

Абай • Бүгін, 00:02

Ет мәселесіне еп керек

Экономика • Бүгін, 00:01

Ұқсас жаңалықтар