Өткен кезеңдегі Ұлттық банктің деректерін ескерсек:
- орташа есеппен 2017 жылдан бастап 2020 жылдың сәуір айына дейін ай сайын 700 құйма сатылды. Мамырдағы көрсеткіш орташа деңгейден 2,1 есе жоғары;
- орташа есеппен айына 22,368 кг алтын сатылды. 2020 жылдың мамыр айындағы көрсеткіш 2,8 есе жоғары;
- өткен кезеңде сатып алынған құймалардың орташа салмағы шамамен 32 г. мамырда шамамен 42,4 г. Яғни үштен бір есеге артық.
Демек, қазақстандықтар салмағы жоғары құймаларды да сатып ала бастаған. Бұл тұрғындар алтын құймасын шет ел валютасы, немесе АҚШ долларына балама бола алатын қаржы құралы ретінде қабылдай бастаған.
Құймаларды сатып алу бойынша өңірлер арасында Алматы (сатылған құйманың жалпы санының 54%), одан кейін Атырау (16%), Нұр-Сұлтан (10%) және басқа аймақтар (20%) тұр.
Бұл жолы сатылымға шығарылған алтын құймалары бес сұрыпта ұсынылған: 5, 10, 20, 50 және 100 г.
Сатып алушылар арасында ең танымал 10 г құймасы бар, оның жалпы сатылымдағы үлесі 27% - 8 206 дана. Одан кейін 100 грамм - 6 491 дана (21%), 5 грамм - 6 326 дана (20%), 20 грамм - 6 045 дана (20%), 50 грамм - 3 787 дана (12%).
Ұлттық Банк сонымен бірге бағдарлама басталғаннан бері жалпы салмағы 3 кг болатын 114 өлшенген құймаларды сатып алуға қабылданғанын айтты. Бұл алтын құймалары инвестициялау мен жинақтаудың ұзақ мерзімді құралы болып табылатындығына байланысты.
Шілде айының басында қазан айындағы алтын фьючерстері тарихта алғаш рет унция 2000 доллардан асып, тарихи рекорд орнатты. Нұр-Сұлтан уақыты бойынша 10: 10-да желтоқсандағы жеткізілім үшін алтын фьючерстері 0,42 пайызға төмендеп, 1,94 мың долларды құрады. Тазартылған алтын құймаларын сату және сатып алу бағдарламасын Ұлттық банк 2017 жылы бастады. Жалпы салмағы 1,1 тоннаны құрайтын 30 855 алтын құймасы 2017 жылдан бастап сатылды.
