Аймақтар • 14 Тамыз, 2020

Алматы әкімі троллейбустарға қатысты пікір білдірді

152 рет
көрсетілді
1 мин
оқу үшін

Осыған дейін БАҚ беттерінде Алматы тролебустардан бас тартады деген ақпарат тарап кеткен болатын. Кеше Алматы әкімі Бақытжан Сағынтаев троллейбустардан бас тарту Алматының жоспарында жоқ екенін айтты.

Алматы әкімі троллейбустарға қатысты пікір білдірді

Керісінше, оларды оларды модернизациялау келесі жылы аяқталады.

Бақытжан Сағынтаев троллейбустардың жұмысын қамтамасыз ететін байланыс желілері мен қосалқы станцияларды жаңғырту бағдарламасы өткен жылы қабылданғанын атап өтті. Алайда, пандемияға байланысты шығындарды қысқартуға тура келді.

«Осы жылдың соңына дейін 16 көшедегі байланыс желілері жаңартылады. Біз 2021 жылы троллейбус инфрақұрылымын толығымен модернизациялауды, оның ішінде 172 км әуе желілерін ауыстыруды аяқтауды жоспарлап отырмыз», - деді Алматы әкімі.
Әкімнің айтуынша, 2020 жылдың аяғында Алматыда  Жандосов, Сейфуллин, Қабанбай батыр, Әуезов, Розыбакиев, Жұбанов, Емцов, Қалдаяқов, Пушкин, Рысқұлов және Райымбек даңғылдарының бойымен байланыс желісінің тіректерін жаңғыртады.

Бұрын кабельдік және байланыс желісі 2000 жылы жөнделгені айтылған. Күніне 160 троллейбус жолаушыларды сегіз бағыт бойынша тасымалдайды. Ай сайын жолаушылар тасымалы шамамен 2,5-3 миллион адамды құрайды. Жолдардың жалпы ұзындығы - 191 шақырым.