Аймақтар • 14 Тамыз, 2020

Жамбылда сәйгүлік мінген полицейлер біраз қылмыстың жолын кесті

34 рет көрсетілді

Қазақстандық полиция бөліністерінде бірде жолсыз жермен, бірде қиын өтімді және өтуге болмайтын учаскелерді патрульдеуде сәйгүлікке салт мінген тәртіп сақшылары тиімді жұмыстар атқаруда. Бұл туралы Жамбыл облыстық полиция департаментіне сілтеме жасай отырып Egemen.kz хабарлайды.

Жамбыл облысының Полиция департаментінде Тараз қаласының Полиция басқармасы патрульдік полиция батальонының құрамына кіретін өзінің атты  жасағы бар. Онда әзірге 12 полицей қызмет атқарады, олардың әрқайсысының қызметтік жылқылары бар.

"Біздің патрульдеу бағыттарымыз  негізінен қаланың автокөлік жүре алмайтын, өтуі қиын шет аймақтары  бойынша өтеді. Бұл қамыс басқан өзендер мен су қоймаларының жанындағы аумақтар, қараусыз қалған саяжай массивтері немесе құқық бұзушылар жиі жасырынып жүретін басқа да шалғай аумақтық учаскелер", деп түсіндірді Тараз қаласы  ПБ патрульдік полиция батальонының кавалериялық бөлімшесінің командирі Рафхат Файзрахманов.

Ат үстіндегі полицейлердің негізгі міндеті-құқыққа қайшы қоғамдық әрекеттердің алдын алу  және жолын кесу. Айта кетерлігі, Жамбыл облысының ПД атты полициясы қылмыс ашылуының 100% көрсеткішіне ие. Бұл еліміздің басқа өңірлеріндегі осындай бөліністердің арасындағы ең үздік нәтиже.

Жыл басынан бері  олардың  тарапынан 11  қылмыс оқиғасы ашылды, оның ішінде кісі өлтіру, ұрлық, тонау, есірткі заттарын қолданған адамдарды ұстау, атты полицейлер  3460 адамды жеке басын анықтау үшін, 92 азаматты әкімшілік құқық бұзушылық  жасағаны үшін полиция бөліміне жеткізді. Осындай жұмыстың  нәтижесінде  қылмыс санын азайтуға  қол жеткізілді.

Әрине, жақсы көрсеткіштер – полицейлердің ғана емес, сондай-ақ белгілі бір дайындықтан өтіп жатқан олардың адал көмекшілерінің де еңбегі. Жылқыларға түрлі дыбыстар мен сигналдардан, кез-келген техникадан, автокөліктерден қорықпау, ашық бұқаралық іс-шараларда көпшіліктің шуылынан, әртүрлі құрылыс нысандары арқылы қозғалу дағдыларын үйретеді. Атты полицияның жылқылары ұзақ жылдар бойы отрядта қызмет етуде. Жылқылардың күтіміне, тазалығына да полиция қызметкері жауап береді.

Жұмысқа қабылдау кезінде қызметкерлер де міндетті түрде атпен салт жүру дағдыларына ие болуы керек. Жыл сайынғы аймақтық әскери ойындарға қатыса отырып, жылқылар әрдайым лайықты нәтиже көрсетуде. Олардың әрқайсысы мекеменің және жергілікті атқарушы органдардың наградаларымен марапатталған.

Соңғы жаңалықтар

Құмырсқалар қалашығы

Оқиға • Бүгін, 06:45

Кәсіпорындардың тиімділігі артады

Технология • Бүгін, 06:33

Абдырамай алға ұмтылғандар

Аймақтар • Бүгін, 06:16

Ел дамуына серпін береді

Пікір • Бүгін, 06:06

Кособуцкийдің қарсыласы кім?

Кәсіпқой бокс • Бүгін, 06:00

Шығысқа қар түсті

Аймақтар • Кеше

Ұқсас жаңалықтар