Тағайындау • 17 Тамыз, 2020

Алматы облысының Талғар ауданында жаңа әкім тағайындалды

1946 рет көрсетілді

Бүгін Алматы облысы әкімінің бірінші орынбасары Ләззат Тұрлашов Талғар ауданының активіне жаңа әкімді таныстырды, деп хабарлайды Egemen.kz

Талғар ауданының әкімі болып Серікжан Ерекешев тағайындалды. Оның кандидатурасын кезектен тыс сессия барысында аудандық мәслихат депутаттары да қолдады.

Облыс әкімдігінде хабарлағандай, Серікжан Қазиұлы 1973 жылы 30 шілдеде дүниеге келген. Алматы индустриалды техникумын "Техник-механик" мамандығы бойынша, Сәтбаев атындағы Қазақ ұлттық техникалық университетін "Көлік, көліктік техника және технологиялар" мамандығы бойынша және Нархоз университетін "Мемлекеттік және жергілікті басқару, экономика және бизнес бакалавры" мамандығы бойынша тәмамдаған.

Еңбек жолын 1997 жылы Алматы қаласындағы "Бағалы қағаздарды тіркеу жүйесі" жабық акционерлік қоғамының тізімдерін жүргізу қызметінің жетекші маманы болып бастады. Көптеген жылдар бойы Маңғыстау облысындағы "Бейнеу жолдары" ЖШҚ құрылыс кешенінің механигі, бас механигі, атқарушы директоры болып жұмыс істеді. 2012-2016 жылдары Іле ауданы Байсерке ауылдық округінің әкімі қызметін атқарды. 2016 жылдан бастап қазіргі уақытқа дейін Іле ауданы әкімінің орынбасары лауазымында болды.

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.

Соңғы жаңалықтар

Доллар арзандады

Қаржы • Кеше

Ұқсас жаңалықтар