Аймақтар • 19 Тамыз, 2020

Бейсен Құранбек бейнесі мурал болып "мен мұндалайды"

1250 рет көрсетілді

Талдықорған қаласындағы көп қабатты тұрғын үйдің қабырғасына көрнекті журналист Бейсен Құранбектің бейнесі салынды. Граффити жанрында бейнеленген мурал биыл дүниеден өткен әріптесіміз ұзақ жыл басшылық еткен "Jetisu" телеарнасының ғимаратына қарама-қарсы қоныс тепкен үйдің қасбетінде "мен мұндалап" тұр, - деп хабарлайды egemen.kz.

Мурал фотосуретші Жеңіс Ысқабайдың суреті негізінде жасалған екен. Тұтас қабырғаны алып тұрған Бейсеннің бейнесін суретші Бекболат Кеңесов салып шықты. Сурет астына "Қарекет ет, батырым!" деп жазылған. Ал есімі елге әйгілі журналистің жарқын бейнесін жұрт назарына ұсыну идеясын "Рухани жаңғыру" жобалық кеңсесі бастаған екен. Істің нәтижелі болуына облыстық ішкі саясат басқармасы барынша үлес қосты.

"Міне,  "Jetisu" телеарнасының қапталындағы үйдің қабырғасында Бейсен достың бейнесі жымиып қарап тұратын болды. Өзі жиі айтатын "Қарекет ет, батырым" деген сөзі де тасқа басылды. Жалпы, жұрт жүрегінде Бейсеннің бейнесі мәңгілік сақталады. Елдің ерге құрметі, тағзымы осындай игі істерден көрініс табуда, - дейді марқұмның үзеңгілес жолдасы, "Jetisu" телеарнасының директоры Серік Сарыбай.

Айтпақшы, Бейсен Құранбек бейнелген муралдың қасына жетісулықтар ерекше ілтипатпен еске алатын тағы бір жас батырдың суреті де таңбаланды. Ол 20 жастағы Олжас Құлжабеков есімді батыр еді. Олжас 2008 жылдың тамыз айында Қапшағай су қоймасында батып бара жатқан баланы құтқарып, өзі суға кеткен болатын. Жас жігіт қайтыс болғаннан кейін Президент Жарлығымен "Ерлігі үшін"  медалімен марапатталған.

 

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.

Соңғы жаңалықтар

Қобыз ұлықталған кеш

Қоғам • Бүгін, 22:39

Есірткіге есіргендер

Қоғам • Бүгін, 22:27

Кибер қылмыстың жаңа келбеті

Қылмыс • Бүгін, 22:25

Ел қорғаны ер Бөгенбай

Тарих • Бүгін, 22:19

Ұлтқа қызмет етудің үлгісі

Әдебиет • Бүгін, 22:07

Тұлға туралы туынды

Әдебиет • Бүгін, 22:05

Жолбарыс жымы

Әдебиет • Бүгін, 22:03

Жиырмасында жалын кешкен

Поэзия • Бүгін, 22:00

Баянауыл басына бұлан үйір

Аймақтар • Бүгін, 21:58

Ел сенімін жалғаған жоба

Экология • Бүгін, 21:57

Желаяқтар Астанада жиналады

Жеңіл атлетика • Бүгін, 21:54

Жәдігер болып жеткен алғыс

Жәдігер • Бүгін, 21:53

Жәнібекті жекпе-жекке шақырды

Кәсіпқой бокс • Бүгін, 21:49

Әлем кубогінде топ жарды

Спорт • Бүгін, 21:47

Отпан таудағы салбурын

Қоғам • Бүгін, 21:38

Ұқсас жаңалықтар