Оқиға • 20 Тамыз, 2020

Майдангер құжаты табылды

562 рет көрсетілді

Екінші дүниежүзілік соғыс кезінде талай майдангер із-түзсіз жоғалып кетті. Талай­лар жат жерде мәңгілік тыныстады. Соның бірі – Чехославакия аумағында жоғалған аты­рау­­лық майдангер Темірәлі Сәрсенғалиев.

Майдан даласында жоғалған майдангер 1922 жылы бұрынғы Гурьев облысы, Теңіз ауданының Жамбыл колхозы, Мұратов ауылдық кеңесінде дүниеге келген. Екінші дүниежүзілік соғысқа алғашқылардың қатарында аттанып, 1941 жылы Чехославакия елінің аумағында із-түзсіз жоғалып кетіпті. Содан бері бір дерегі табылмап еді.

Облыс әкімінің орынбасары Ба­қыт­гүл Хаменованың мәліметінше, майдангердің құжаттары мен порт­реті Ресей Федерациясының Вол­гоград қаласындағы музейде сақ­талыпты. Миллиондардың өмірін қиған Екінші дүниежүзілік соғыстың батырына тиесілі заттар туыстарына тапсырылды.

– Қан майданнан оралмаған аза­­маттар туралы деректерді жи­нақ­таумен «Атамның аманаты» қоғамдық қоры айналысып жүр. Бүгінде аталған қор Ресей Федерациясының «Поисковое движение России» қоғамдық бірлестігімен меморандумға қол қойған. Екіжақты әріптестіктің нәтижесінде майдангер Темірәлі Сәрсенғалиевтің портретінің көшір­месі мен құжаттары табылды, – деді Бақытгүл Хаменова.

Жат елде із-түзсіз жоғалып, ха­бар­­сыз кеткен майдангер Темір­әлі Сәрсенғалиевтің «Қызыл Жұл­дыз», Сталининградты мина­дан та­­зартудағы жанқиярлығы үшін ІІ дә­режелі «Отан соғысы» орден­дерімен марапатталғаны анықталып отыр.

 

Атырау облысы

 

Соңғы жаңалықтар

Тарихи жеңіске қол жеткізді

Теннис • Бүгін, 20:12

Нар тұлға

Руханият • Бүгін, 20:10

Екпе салдыру өзекті

Медицина • Бүгін, 20:07

Шетелдік басылымнан

Әлем • Бүгін, 20:02

Аруларымыз алты жүлде алды

Спорт • Бүгін, 19:55

Қазақстанға агробанк қажет пе?

Қазақстан • Бүгін, 19:51

Ұқсас жаңалықтар