Аймақтар • 25 Тамыз, 2020

Туристердің тауға шығуы қайғылы жағдаймен аяқталды

60 рет көрсетілді

Дайындықтың болмауы, ұқыпсыздық, кейде азаматтардың жауапсыздығы қайғылы нәтижеге әкелуі мүмкін. Қарапайым қауіпсіздік қағидаларын сақтау туристердің, тауға барушылардың өмірін құтқарады. Ең алдымен, жабдыққа, құрал-саймандарға, киім мен аяқ киімге, байланысқа назар аударыңыз. Тауға жорық жасаған кезде өз бағдарыңызды міндетті түрде тіркеу, нақты координаттарды білу, тәжірибелі жолсеріктердің қызметін пайдалану қажет. Бұл тауға сәтті көтерілудің кепілі. 

Дайындығы жоқ туристер тобының тауға шығуы қайғылы жағдайға әкелді. Сайрам-Өгем ұлттық табиғи паркінің аумағында Қасқасу ауылынан 30 шақырым жерде 5 адамнан тұратын топ теңіз деңгейінен 4236 метр биіктікте орналасқан "Сайрам" мұздығына шықты. Тауда қар жатқан, одан да жоғары көтерілу үшін тағы 1 тәулік қажет болды. Ешқандай құрал-саймандармен жабдықталмаған, тәжірибесіз және дайын емес топтың алға жылжуына мүмкін емес еді. Сондықтан олар төмен түсуге шешім қабылдады. Түсу күрделі еместұғын, бірақ топтың дайын емес мүшелері бір сәтте қателік жіберді. Атап айтқанда, 1981 жылы туған азаматшаның абайсызда аяғы тайып, құлап кетті. Оған көмектесу әрекеттері сәтсіз аяқталды. Нәтижесінде, әйел қардың еруі салдарынан пайда болған тау шыңындағы жарықтардың біріне құлап, қайтыс болды.

Құрамында 5 адам бар ТЖ департаментінің құтқарушылары Рахымжан Бекенбаевтың басшылығымен 2020 жылғы 23 тамызда кешке оқиға орнына шыққан. Теңіз деңгейінен 3800 метр биіктікте екі тәулік бойы олар құтқару операциясын жүргізді. Алдымен қорықтың орманшыларының көмегі арқылы олар зардап шеккен ер адамды және топтың басқа мүшелерін атпен төменге қарай жіберді. Әрі қарай 2 орманшы мен топтың 2 мүшесімен бірге олар  теңіз деңгейінен 3800 метр биіктікте қалған 1981 жылы туылған азаматшаның денесін іздеуге аттанды. Жер бедерінің ерекшеліктері, тік жартастар, мұздық шөгінділер ғана емес, ауа райының қолайсыздығы да іздеу барысында қиындықтар туғызды.  Бір күн бұрын тауда жаңбыр жауып, өте тайғақ болды. 24 тамыз күні кешке сағат 20.05-те тәуліктің қараңғы мезгіліне байланысты іздестіру тоқтатылды. Іздеу тобының барлық мүшелері лагерьге түсті. 

 

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.

Соңғы жаңалықтар

Үлгі болар игі іс

Қоғам • Бүгін, 15:00

Доллар бағамы арзандады

Экономика • Бүгін, 12:30

Қыран қанатында қалықтаған жыр

Руханият • Бүгін, 08:43

Сөз сойыл №105

Руханият • Бүгін, 08:39

Құнды қазына орталығы

Руханият • Бүгін, 08:15

Ұқсас жаңалықтар