Бірінші кезекте екпені вакциналаудың бастапқы кезеңіндегі жоспарлы екпені алмаған 1 жасқа дейінгі балалар алады. Вакциналауды барлық міндетті санитарлық шараларды сақтай отырып, емханада алу керек.
«Иммундау жұмыстары күнтізбеге сәйкес жалғасуда. Емханаға тек алдын-ала жазылу арқылы бару керек. Келетін пациент жайлы медициналық мекеме қызметкерлерін алдын-ала хабардар етеді. Вакциналау тек адамның сау фонында жүргізіледі. 30 минут ішінде медицина қызметкерлері баланың немесе ересек адамның жағдайын мұқият бақылауы керек. Қазіргі уақытта адамдарды вакциналауға ешқандай медициналық қарсы көрсетілімдер байқалған жоқ. COVID-19 вирусымен ауырып жазылған және олармен байланыста болған, бірақ клиникалық белгілері жоқ адамдар әдеттегі дейвакцинациялануы мүмкін», дейді Алматы қаласы №4 емхананың бас дәрігері ЗухраУмарова.
Профилактикалық егулердің ұлттық күнтізбесіне ұсынылатын вакциналардың түрі, жасы, қашан және кімді вакциналау қажет, сондай-ақ қолдану схемасы көрсетілген жоспарлы егулердің тізбесі кіреді. Қазақстанның Ұлттық егу күнтізбесінде 21 инфекцияның алдын алу және таралу мүмкіндігі қарастырылған. Олар тегін беріледі. Яғни инфекциялық және паразиттік ауруларға қарсы жоспарлы егу – жасы келген адамдарға, жұқпалы аурулардың (көктемгі-жазғы кене энцефалиті) табиғи ошақтарында тұратын және жұмыс істейтіндерге, өзінің кәсіби қызметі бойынша қауіпті топқа жататын медицина қызметкерлеріне («В» вирус гепатиті, тұмау), кәріз және тазарту құрылыстарының қызметкерлері (іш сүзегі), қан құю процедурасынан өткендерге («В» вирус гепатиті), медициналық ұйымда диспансерлік есепте тұрған балаларға (тұмау), балалар үйінің, сәбилер үйінің балалары, қарттар үйінің контингенті (тұмау), кез келген жануар тістеген, сілекейленген адамдарға (құтыру), жарақатталып, тері және шырышты қабаттары бұзылғандарға (сіреспе), инфекцияға шалдығу деңгейі жоғары өңірлерде тұратындарға жүргізіледі.
Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің деректеріне сәйкес, әлі де елімізде эпидемиялық жағдай тұрақты емес. Күзде COVID-19 вирусымен сырқаттанудың екінші толқыны болуы мүмкін, бұл ретте негізгі қауіп тобы – созылмалы аурулары бар адамдар, оның ішінде 65 жастан асқан адамдар (жүрек-қантамыр жүйесі аурулары, қант диабеті және өкпенің созылмалы обструктивті ауруы бар) және медицина қызметкерлері болмақ. Осыған байланысты қыркүйек айының басында тұмауға қарсы вакциналау басталады. Қазіргі уақытта 130 мың доза күтіліп отыр. «СК-Фармация» ЖШС бірыңғай дистрибьюторына қосымша тұмауға қарсы вакцинаның 300 мың дозасына өтінім берілді, бұл 2020 жылдың қазан айында жеткізіледі деп жоспарлануда.
Ал тұмауға қарсы вакцинация: медицина қызметкерлеріне, медициналық ұйымдарда медициналық бақылауда жататын балаларға, алты айдан асқан жиі ауыратын балаларға, жетім балалар мен ата-анасының қамқорлығынсыз қалған балаларға, арналған білім беру ұйымдарының, балалар үйлерінің балаларына, медициналық-әлеуметтік мекемелердің (ұйымдардың) қызмет алушыларына, жүктіліктің екінші немесе үшінші триместрінде жүкті әйелдерге, жүрек-тамыр жүйесі мен тыныс алу органдарының созылмалы аурулары бар адамдарға және эпидемиялық көрсеткіштер бойынша жүргізіледі.
АЛМАТЫ
