Аймақтар • 28 Тамыз, 2020

Тау-кен байыту фабрикасын салу жөнінде меморандумға қол қойылды

68 рет көрсетілді

Бүгін Қызылордада "Шалқия" кенішінде тау-кен байыту фабрикасын салу жөнінде үшжақты меморандумға қол қою  рәсімі өтті. Жиынға облыс әкімі Гүлшара Әбдіқалықова, "Тау-Кен Самұрық" ҰТК" АҚ басқарма төрағасы Қанат Құдайберген және "Шалқия Цинк ЛТД" АҚ  бас директоры Дамир Кәрім қатысты, деп хабарлайды Egemen.kz.

Облыс әкімі үшжақты меморандумның инвестиция тарту және жұмыс орындарын құрудағы маңызын атап өтті.

– Қазіргідей мұнай өндірісі төмендеген уақытта өңір экономикасын әртараптандырып, өңдеу саласы мен металлургияны қолға алу, аймақты дамытудың басты жолы болып табылады. Осы меморандумға сәйкес "Тау-Кен Самұрық" акционерлік қоғамы Шалкия кенішінде бірнеше әлеуметтік нысандар құрылысын жүргізуді жоспарлап отырғанын ерекше атап өткім келеді. Мәселен, Шалқия кентіне дейін ұзындығы 6 шақырым жол, Кеншілер саябағы мен аллея және контейнерлік қонақ үй салу арқылы Құттықожа бұлағының аумағын абаттандыру ойластырылып отыр, деді облыс әкімі.

Айта кету керек, "Шалқия" кенішінде тау-кен байыту фабрикасын салу арқылы металлургия саласын бітірген жас мамандарды жұмысқа тарту көзделуде. Биыл көрші мемлекеттің жетекші университеттерін бітірген 111 түлектің 23-і металлург, ал 21-і машинист. Мұнан бөлек, биылғы жылы тау-кен ісі және металлургия саласында техникалық және кәсіптік білім ошақтарын бітірген 144 түлек бар.

– Осы уақытқа дейін озық технологиялық білімді игеріп келген біздің түлектеріміз өңіріміздегі – цемент, күкірт қышқылы зауыттары мен "Фирма Балауса", "РУ-6" және  "Энергосервис" секілді ірі кәсіпорындарға жұмысқа орналасты. Тәжірибемізді әрі қарай жалғастыру мақсатында сіздерге 46 түлектің тізімі жолданды. Меморандумға сәйкес облыстағы кәсіби білікті металлургтердің алғашқы толқынын тәрбиелеп, қалыптастырамыз деп сенім білдіремін,–деді облыс әкімі Гүлшара Әбдіқалықова.

Меморандум аясында "Тау-Кен Самұрық" акционерлік қоғамы Шалқия кенішінде бірнеше әлеуметтік нысандар құрылысын жүргізу жоспарлануда.

 

 

Соңғы жаңалықтар

Елге керек екі кітап

Руханият • Бүгін, 08:52

«Ғарышқа апарар жол»

Руханият • Бүгін, 08:50

Алғашқы ғарыш айлағы

Оқиға • Бүгін, 08:48

Сананы өзгертудің тиімді тетігі

Руханият • Бүгін, 08:36

Тарихи жерлердің тағылымы бөлек

Руханият • Бүгін, 08:30

Ширек финалда сүрінді

Теннис • Бүгін, 08:11

Эль-Класикода жеңіске жетті

Футбол • Бүгін, 08:06

Рухы биік ел ешқашан жеңілмейді

Руханият • Бүгін, 08:05

Израильден басым түсті

Спорт • Бүгін, 08:04

Ғылымның жаңа белесі

Ғылым • Бүгін, 08:01

Ұлттық үрдістер үзілмейді

Қазақстан • Кеше

Ұқсас жаңалықтар