Кеше Қазақстан Республикасы Президентінің жанындағы Мемлекеттік басқару академиясында Өңірлік хаб шеңберінде хабтың қатысушы елдерінің мемлекеттік қызмет саласындағы уәкілетті мемлекеттік органдары мен білім беру мекемелерінің басқарушы буыны үшін «Мемлекеттік қызметті жаңғыртудың өзекті мәселелері» тақырыбындағы семинар-тренинг басталды.
Семинар-тренинг үш күн бойына өтеді және үш сессиядан тұрады: І. Мемлекеттік қызметтің адам ресурстарын басқарудағы инновациялар; ІІ. Қоғамдық есептілік және мемлекеттік қызмет жүйесіндегі сыбайлас жемқорлыққа қарсы саясат;
Кеше Қазақстан Республикасы Президентінің жанындағы Мемлекеттік басқару академиясында Өңірлік хаб шеңберінде хабтың қатысушы елдерінің мемлекеттік қызмет саласындағы уәкілетті мемлекеттік органдары мен білім беру мекемелерінің басқарушы буыны үшін «Мемлекеттік қызметті жаңғыртудың өзекті мәселелері» тақырыбындағы семинар-тренинг басталды.
Семинар-тренинг үш күн бойына өтеді және үш сессиядан тұрады: І. Мемлекеттік қызметтің адам ресурстарын басқарудағы инновациялар; ІІ. Қоғамдық есептілік және мемлекеттік қызмет жүйесіндегі сыбайлас жемқорлыққа қарсы саясат;ІІІ. Мемлекеттік қызмет тиімділігі мен мемлекеттік қызметшілер қызметін бағалау.
Қанатқақты семинар-тренинг жұмысына хабтың 12 қатысушы елінің мемлекеттік қызметшілері мен білім беру мекемелерінің қызметкерлері қатысып жатыр.
Аталған іс-шараға тренер ретінде Онтарио үкіметінің Министрлер кабинетінің тиімділік және инновациялар жөніндегі вице-министрінің экс-көмекшісі Арт Дэниелс (Канада), Нидерланды Орталық үкіметінің Жоғары мемлекеттік қызмет жөніндегі офисінің экс-бас директоры Ян Уилем Век, Нидерландының Орталық үкіметінің жоғарғы мемлекеттік қызмет кеңсесінің (ABD) бұрынғы бас директоры Панос Ливеракос және Ирландия Мемлекеттік қызметінің атқарушы билігінің экс-басшысы, BA&Associates консалтинг компаниясының басқарушы директоры Брайан Эндрюс қатысуда.
Сабақтар шебер-сыныптар, талдау-пікірталастар, кейс әдісін және интерактивті білім беру технологияларын қолдану арқылы семинар-практикумдар, топпен жұмыс істеу түрінде өтуде. Семинар-тренингті өткізу идеясы Канада, Нидерланды, Ирландия және Грекияның мемлекеттік қызмет жүйесін реформалауға қатысқан жетекші халықаралық сарапшылармен бірге мемлекеттік қызметті жаңғыртудың өзекті мәселелерін талқылау болып табылады. Семинар-тренингтің бағдарламасына халықаралық тренерлердің сабақтарымен қатар, Өңірлік хаб мемлекеттік органдары өкілдерінің баяндамалары енгізілген.
Семинар-тренингтің ашылу рәсіміне Қазақстан Республикасы Мемлекеттік қызмет істері агенттігінің төрағасы Ә.Байменов, БҰҰ ДБ тұрақты өкілі С.Тулл, Қазақстан Республикасы Президентінің жанындағы Мемлекеттік басқару академиясының ректоры Б.Әбдірәсілов, шетелдің жиырмадан аса елшілері мен өкілдері, сонымен қатар, ЕҚЫҰ, Еуроодақ, USAID секілді халықаралық ұйымдардың басшылары қатысты.
Өңірлік хаб – ТМД елдері, Грузия және Ауғанстан үшін мемлекеттік қызмет саласында білім мен тәжірибе алмасу бойынша Қазақстан Республикасы Мемлекеттік қызмет істері агенттігі мен БҰҰ ДБ-ның бірлескен көлемді жобасы болып табылады. Өңірлік хаб мемлекеттік қызметті жаңғырту мәселелері бойынша практиктер, ғалымдар мен сарапшылардың диалогын орнату үшін көпжақты алаң құруға арналған, сондай-ақ, бірлескен жобалар мен бағдарламаларды өткізу, кәсіби желілерді және өңірдің сараптамалық қоғамдастығын ұйымдастыру үшін негіз болып табылады.
Ләйла Еділқызы,
«Егемен Қазақстан».
