*Грузияның Орталық сайлау комиссиясы президенттік сайлаудың қорытындысын шығарды. Бюллетеньдер 100 пайыз есептелген соң «Грузия арманы» билеуші коалициясынан кандидат Георгий Маргвелашвилидің 62,11 пайыз дауыс алғаны белгілі болды. Оған 1 миллион 12 мың 214 адам өз дауыстарын беріпті.
*Қытай басшылығы Пекиндегі Тяньаньмэнь алаңында болған автомобиль апатын лаңкестік деп қабылдап отыр.
*Грузияның Орталық сайлау комиссиясы президенттік сайлаудың қорытындысын шығарды. Бюллетеньдер 100 пайыз есептелген соң «Грузия арманы» билеуші коалициясынан кандидат Георгий Маргвелашвилидің 62,11 пайыз дауыс алғаны белгілі болды. Оған 1 миллион 12 мың 214 адам өз дауыстарын беріпті.
*Қытай басшылығы Пекиндегі Тяньаньмэнь алаңында болған автомобиль апатын лаңкестік деп қабылдап отыр.Оқиға салдарынан көлік ішіндегі 3 жанкештіні қосқанда, 5 адам қаза тапса, 38-і жарақат алған еді. Биліктегілер лаңкестікке қатысы бар деген күдікпен Шыңжаң-Ұйғыр автономиялы районының екі тұрғынына іздеу жариялаған.
*Сауд Арабиясының Жоғарғы мүфтиі Абдул Азиз әл Шейх сөз сөйлеп, онда жас отандастарына Сириядағы соғысқа баруға асықпауға ақыл-кеңес берген. Мүфтидің сөзіне қарағанда, соғыс іс-қимылдарына қатысу жиһад жолын таңдағандар үшін міндетті болып табылмайды.
*Ресей либерал-демократиялық партиясының серкесі Владимир Жириновский «атың шықпаса, жер өрте» әрекетін тағы қайталады. Ол «Жекпе-жек» бағдарламасында «Солтүстік Кавказды тікенек сыммен қоршап тастау керек» деп мәлімдеді. Сондай-ақ, Кавказ республикаларында үшінші бала үшін айыппұл енгізіп, тұрғындар өсімін қысқарту қажеттігін талап етті. Мемдуманың комитет төрағасы Гаджимет Сафаралиев бас прокурор Юрий Чайкадан оспадар депутаттың мәлімдемесін тексеруді өтініп отыр.
*Латвияның Вентспилс, Кулдигу және Талси қалалары сұрапыл дауыл салдарынан толықтай электр жарығынсыз қалды. Қалаларда жанармай құю стансалары жұмыс істемейді. Электр жарығы тұрғын үйлер мен мекемелерде атымен жоқ. Ауруханалар мен басқа да стратегиялық нысандар генераторлармен жұмыс істеп тұр. Аталған қалаларға қуат қашан берілетіні беймәлім.
*«Тәжікстан темір жолы» Ресей жағынан Воронеж облысының Терновка стансасындағы темір жол бойында «Мәскеу – Душанбе» бағытындағы пойызға жасалған шабуылдан келген шығынның орнын толтыруды талап етіп отыр. Мұндай оқиға бұрын-соңды орын алып көрмесе, оны соңғы кездегі Ресейдегі антимигранттық көңіл-күйдің күшеюімен байланыстыруға болатындай.
*Мысырдың кунг-фудан чемпионы Мохаммед Юсеф елдің бұрынғы президенті Мохаммед Мурсиді қолдағаны үшін алтын медалінен айырылып қалды. Бұған қоса, билік басындағылар спортшыға әлемдік аренада өз елінің намысын қорғауға тыйым салды. Дисквалификацияның қанша уақытқа созылатыны туралы мәлімет жоқ.
*Халықаралық футбол федерациясы (ФИФА) өзінің ресми сайтында әлемнің ең үздік ойыншысына берілетін «Алтын доп» сыйлығынан үміткер 23 футболшының тізімін жариялады. Олардың қатарында аталған допты төрт мәрте алған Л.Месси, сондай-ақ Э.Азар. Г.Бейл, З.Ибрагимович, А.Иньеста Ф.Лам, Р.Левандовский, Р. ван Перси, К.Роналду, т.б. бар.
Ақпарат агенттіктері материалдарының негізінде әзірленді.
