Жедел-криминалистикалық бөлімнің бастығы, полиция майоры Тимур Әбділмановтың айтуына қарағанда криминалистердің басым бөлігі - жастар, орташа жасы – 23-28 аралығында. Олар жедел-тергеу топтары құрамында жұмыс істеп, қылмыс орындарын тексереді, заттай дәлелдемелермен жұмыс жүргізеді. Криминалистерге логикалық ойлау, жақсы есте сақтау қабілеті, мұқият назар салу, ұқыптылық, шыдамдылық, техникалық құралдарды игеруге деген ұмтылыс керек. "Мәселен, көктемде Челюскин көшесіндегі жер үйде ұрлық жасалды. Күдікті "ізін суытпай" ұсталды, алайда, ол өзінің қылмысқа қатыстылығын мойындаған жоқ. Алайда криминалистер анықтаған терезе жақтауындағы саусақ іздері оны бұлтартпады", дейді ол.
Жалпы айтқанда криминалистер негізінен жеті түрлі зерттеу жүргізеді: дактилоскопиялық (саусақ іздері бойынша), трасологиялық (аяқ киім, шина, бұзу құралдарының іздері), суық қаруды зерттеу, баллистикалық, жазуды тану, құжаттардың техникалық зерттеуі, сот-портреттік сараптама. Мұнымен қоса қызметкерлер саусақ іздері, портреттермен жұмыс істеуді жылдамдататын "Образ++" және "Папилон" ақпараттық-іздеу жүйелерімен жұмыс істейді.
