Індеттің таралуына жол бермеуге байланысты биылғы конкурс прокторинг және бейнеконференция байланыс жүйелері (Exam.net, Google Meat немесе ZOOM платформалары) арқылы онлайн режимде жүргізілді.
Конкурс 6 бағыт бойынша өткізілді, оның ішінде "Өлең – сөздің патшасы, сөз сарасы","Ұлылар әлемі", "Абайдың қара сөздері" бағыттары–ZOOM платформасында. "Жүйріктен жүйрік озар жарысқанда", "Көңілім әнді ұғады", "Абайдың ақын шәкірттерінің шығармалары" бағыттары бойынша оқушылардың алдын-ала видеожазбалары республикалық Ұйымдастыру комитетіне жіберілді.
Байқау соңында республикалық "Абай оқуларының" қорытындысы бойынша ІІІ-шідәрежелі дипломмен марапатталған: Павлодар қаласы №25 орта мектебінің 10 сынып оқушысы Мажитова Аделия – "Көңілім әнді ұғады" бағытында, Павлодар ауданы, Чернорецк №1 орта мектебінің 9 сынып оқушысы Ерболат Сұңқар –"Ұлылар әлемі" бағытында ІІ дәрежелі диплом иегері,Павлодар ауданы Ямышев орта мектебінің 10 сынып оқушысы Ермекұлы Ернұр – "Жүйріктен жүйрік озар жарысқанда" бағытында 1 орын иегеріатанды.
Ұйымдастыру комитеті жеңімпаздар мен жүлдегерлерге бағалы сыйлық табыстады:1 орынға – ұялы телефон, 2 орынға – смарт-сағат, 3 орынға – фитнес-браслет; номинация иегерлеріне – Абай шығармаларының 4 томдығы.
Павлодар облысы
Суретті түсірген: Марат Әбу
