Пікір • 11 Қыркүйек, 2020

Әскерилерге де қатысты мәселелер бар

433 рет көрсетілді

Президенттің биылғы «Жаңа жағдайдағы Қазақстан: іс-қимыл кезеңі» атты Жолдауын қоғамның барлық деңгейін қамтитын, елді жаңа өзгерістерге бас­тайтын бастама деп қабылдадық. Соның ішінде бізге, әскерилерге де қатысты өзгерістер бар.

Президент өз Жолдауында елімізге заманға сай, уақыт талабына сәйкес өзгерістер қажет екендігін, оның қай салада қандай бағытта, қалай жүзеге асатынын тәптіштеп айтты. Әсіресе бүгінгі пандемия мен дағдарыс жағдайында мемлекеттік басқару жүйесінің жаңа модель қажеттігі байқалды. Соған сәйкес Президент мемлекеттік басқару, кадр сая­саты салаларында жаңадан реформаларды жүйелі түрде іске асыру керек екенін айтты. Бұл еліміздегі еңкейген кәріден еңбектеген балаға дейін қамтитын реформа болмақ. Сондықтан да Президентке тікелей бағынатын Стратегиялық жос­парлау және реформалар агенттігі құрылатын болды.

Өз басым мемлекеттік қызмеші­лердің санын алдағы 2021 жылы 25 пайызға азайтып, сапасын арттыруды толық қолдаймын. Себебі елді жайлаған пандемия елге нақты қажетті мамандарды өзі-ақ айқындады.

Қарапайым халықты қуантқан маңызды өзгерістің бірі – зейнетақыға қатысты. Қасым-Жомарт Кемелұлының тікелей тапсырмасы бойынша келер жылдан бастап Бірыңғай жинақтаушы зейнетақы қорының 700 мың салымшысы өз жинағының белгілі бір бөлігін үй алу, емделу үшін пайдалануға немесе қаржы ұйымдарының басқаруына беруге мүмкіндік алды. Бұл да бұған дейін халық тарапынан ұсыныс болып көтерілген мәселе болатын.

Сонымен қатар Жолдауда ұлттық құн­дылықтар мәселесі де көтерілді. Мем­лекет басшысы келешек адал, білімді, кәсіпке бейім ұрпақ тәрбиелеу ісіне араласуды барлық қоғамдық институттарға жүктеді. Әсіресе білімі мен білігі, мәдениеті жоғары, іскерлікке қабілетті елдің азаматтары өркениет көшін өрге бастайды. Бұл орайда жас ұрпаққа білім-тәрбие беріп, осы дағдыны бала бо­йына дарытуға мұғалімдер қауымының қосар үлесі мол. Сондай-ақ пандемия кезінде «майданның» алғы шебіне шығып, әр науқас үшін күрескен медицина қызметкерлерінің де еңбегі өлшеусіз. Президенттің жаңа Жолдауы әлеуметтің қос қанаты – мұғалімдердің жалақысы өсетінін, медицина қызметкерлеріне екінші жартыжылдыққа төлемақы ретінде 150 млрд теңге көлемінде қаражат бөлінетінін хабарлады. Бұл өте қуанышты хабар.

«Балалы үй – базар, баласыз үй – қу мазар» деген қазақ халқы баланы ерекше жақсы көріп, бала десе барын беретін бауырмал халық саналған. «Бала – адамның бауыр еті, көз нұры» деген мақал осының айғағы іспеттес. Бала – өмірдің жалғасы, ата-ананың перзенті, отба­сының қызығы мен шыжығы. Балалы болып, перзент сүю – ең үлкен бақыт. Сон­дықтан көп жылдан бері бала сүйе алмай жүрген отбасыларға 2021 жыл­дан бастап «Аңсаған сәби» арнайы бағдар­ламасы қолға алынатыны айтылып жатыр. Яғни Президенттің тапсырмасымен ЭКҰ бағдарламалары арқылы квота санын жеті мыңға дейін, яғни жеті есе көбейтілетіні көңілімізге майдай жақты. Сондай-ақ 2025 жылға дейін балаларды 100 пайыз балабақшамен қамту мәселесі межеленді.

Міне, осы айтылған игіліктің бәрі қоғамның барлық саласы сияқты бізге, әскери қызметшілерге де тікелей қатыс­ты. Өйткені оқалы киім киіп, тыныш­тық күзетінде жүрген біз де елі­міздің қарапайым азаматымыз. Қо­ғамда заң үстемдігі орнықпаса, азамат­тар­дың қауіпсіздігіне кепілдік берілмесе, әлеуметтік-экономикалық дамудың бірде-бір міндеті жүзеге аспайды. Сон­дықтан құқық қорғау және сот жүйе­лерін институционалды тұрғыдан өзгерту мәселесі де өзекті. Бір сөзбен айтқанда, азаматтардың конституциялық құқықтарына кепілдікті нығайту, заңның үстемдігін қамтамасыз ету, құқық қорғау қызметін ізгілендіру жұмыстары алдағы уақытта жалғастырыла береді.

Індетпен күрес уақытында құқық қорғау органдарының қызметкерлеріне, әскери қызметшілерге Президентіміз ерекше алғысын білдірді. Отанына адал, кәсіби тұрғыдан дайындалған офицерлер мен әскери қызметшілер жаңа гео­саяси жағдайда ел қауіпсіздігіне қауіп төндіретін қатерлерге тойтарыс беруге дайын екендігін дәлелдеп келе­ді. Осындай сын сағатта әскеріміз ынты­мағы жарасқан халқымызбен бірге жұ­дырықтай жұмылды. Соның ішінде Қа­зақстан Республикасы Ұлттық ұлан әс­керлері саяси тұрақтылықты қамтамасыз етіп, азаматтардың құқықтарын сақтау бо­йынша заңдылық пен құқықтық тәр­тіп­ті күзетуде жүктеген талаптар мен міндет­терді мүлтіксіз абыроймен орындап жүр.

Мемлекет басшысының Жолдауында аталған міндеттер жүзеге асуы үшін бар­лық қазақстандықтармен бірге Қазақстан Республикасының Ұлттық ұлан әскерлері «Батыс» өңірлік қолбасшылығының жеке құрамы да аянбай үлес қосады деп сендіремін.

 

Әлібек СЕРАЛИЕВ,

генерал-майор, Қазақстан Республикасы Ұлттық ұлан «Батыс» өңірлік қолбасшылығының қолбасшысы

 

Орал

 

Соңғы жаңалықтар

Ел тілегі ескерілді

Экология • Бүгін, 08:22

Ынтымақтастықты тереңдетеді

Саясат • Бүгін, 08:18

Жекпе-жектен бас тартты

Кәсіпқой бокс • Бүгін, 08:07

«Бәйшешек жапырағы»

Оқиға • Бүгін, 08:06

Сенімге селкеу түспесін

Қоғам • Бүгін, 07:57

Шежірелі білім ордасы

Білім • Бүгін, 07:50

Құстар неден қырылды?

Оқиға • Бүгін, 07:30

Жемісті жиырма жыл

Руханият • Бүгін, 07:29

Үш тал өлең

Руханият • Бүгін, 07:24

Оралдың озық архиві

Руханият • Бүгін, 07:12

Бес жылдық бағдарлама таныстырылды

Бағдарламалар • Бүгін, 07:10

Мінезді орта қалыптастырады

Руханият • Бүгін, 06:56

Мал азығы жеткілікті

Аймақтар • Бүгін, 06:53

Жол бойындағы сервисті дамытады

Экономика • Бүгін, 06:34

ҚПЛ-дың қымбат футболшылары

Футбол • Бүгін, 06:30

Қайта оқуыма сұранып тұрады

Руханият • Бүгін, 06:26

Ұқсас жаңалықтар